Bugun Buxoro davlat universiteti Maktabgacha va boshlangʼich taʼlim fakulteti, Boshlangʼich taʼlim nazariyasi kafedrasi tomonidan “Boshlangʼich ta’lim sifat va samaradorligini oshirish: strategiya, innovatsiya va ilgʼor tajribalar” mavzusida Xalqaro ilmiy anjuman o’tkazildi. Аnjuman Oʼzbekiston Respublikasi Prezidenti Shavkat Mirziyoyevning 2021-yil 16-iyundagi Oliy taʼlim tizimidagi ustuvor vazifalarga bagʼishlangan videoselektor yigʼilishi, “Oʼzbekiston Respublikasi xalq taʼlimi tizimini 2030-yilgacha rivojlantirish konsepsiyasini tasdiqlash toʼgʼrisida”gi hamda “Oʼzbekiston Respublikasi Oliy taʼlim tizimini 2030-yilgacha rivojlantirish konsepsiyasini tasdiqlash toʼgʼrisida”gi farmonlariga, Oʼzbekiston Respublikasi Vazirlar Mahkamasining 2021-yil 2-martdagi № 78-F sonli farmoyishi, Buxoro davlat universiteti rektorining 2021-yil 13-martdagi 152-U sonli buyrugʼiga muvofiq tashkil etildi.Boshlangʼich taʼlim sifati va samaradorligi asoslari va ahamiyatiga eʼtibor qaratuvchi, zamonaviy raqamli taʼlimga yoʼnaltirilgan konferensiyaning asosiy maqsadi pedagoglarning kasbiy tayyorgarligini amaliyotga tayangan holda va manfaatdor subyektlar bilan samarali aloqasini intensiv taʼminlagan holda olib borish, boʼlajak boshlangʼich taʼlim mutaxassislarini innovatsion tajribaga ega boʼlgan amaliyotlar bazasida tayyorlash muhitini yaratish, talabalarni bugungi jadal rivojlanish jarayonlarida bevosita ishtirok etishini taʼminlash, pedagogik taʼlimda yangi avlod oʼquv, oʼquv-metodik, ilmiy adabiyotlar, vositalar va didaktik materiallar majmuasini yaratish, ilmiy anjuman natijalari orqali Boshlangʼich taʼlim sifat va samaradorligini oshirish strategiyasi, innovatsiya va ilgʼor tajribalarni xalqaro miqiyosda oʼrganish, uning zarur ahamiyati va istiqboli haqida muhim takliflar hamda istiqbolli loyihalar ishlab chiqishdan iborat.Xalqaro ilmiy-nazariy anjumanda “Boshlangʼich taʼlim sifat va samaradorligini oshirish muammolari va yechimlari”, “Zamonaviy taʼlimda umummilliy va umummadaniy qadriyatlarning oʼrni”, “Boshlangʼich taʼlim sifat va samarodorligini oshirish strategiyasi”, “XXI asrda boshlangʼich taʼlim va raqamli texnologiya”, “Boshlangʼich taʼlimdagi ilgʼor tajribalar – yangi Oʼzbekistondagi uchinchi Renessans poydevori” kabi yoʼnalishlar boʼyicha maʼruzalar tinglandi. Аnjumanda xorijiy va Respublikadagi barcha OTM professor-oʼqituvchilari, jumladan, Turkiya, Janubiy Ural, Qozogʼiston, Qirgʼiziston, Rossiya, АQSh, Koreya, Hindiston davlatlaridan doktorant, mustaqil tadqiqotchilar, ilgʼor tajribali oʼqituvchilar nufuzli mehmonlar Zoom platformasi orqali ishtirok etishdi. Ma’lumot o`rnida aytish joizki, Konferensiya toʼplamida nashr etilgan ilmiy tezislar (maqolalar) GOOGLE SCHOLAR, CROSSREF xalqaro ilmiy bazalarida indeksatsiyalanadi.BuxDU Matbuot xizmati