Joriy yilning 28 iyul kunida Buxoro davlat universitetida navbatdagi matbuot anjumani boʼlib oʼtdi. Ushbu matbuot anjumani so'nggi 5 yil mobaynida oliy taʼlim sohasidagi islohotlar va natijalarni baholash, Oʼzbekiston Respublikasi Prezidentining 22 iyun 2021 yildagi “2021/2022 oʼquv yilida Oʼzbekiston Respublikasining oliy taʼlim muassasalariga oʼqishga qabul qilishning davlat buyurtmasi parametrlari toʼgʼrisida” № PQ-5157-sonli qarori boʼyicha viloyat oliy taʼlim muassasalari qabulida oʼzgarishlar hamda universitetda kasbiy (ijodiy) imtihonlar oʼtkazilishi mavzusida tashkil etildi.Buxoro davlat universiteti O`quv ishlari bo`yicha prorektori v.b R. G`. Jumayev so`zga chiqib, matbuot anjumanini ochib berdi. Shundan so`ng Buxoro davlat universiteti huzuridagi Pedagogika instituti direktori M.I. Daminov o`tgan davr mobaynida oliy ta’limda olib borilayotgan keng ko`lamli islohotlar, Buxoro davlat universitetida 5 yil mobaynida qilingan ishlar xususidagi fakt va raqamlarni taqdim etdi. Xalqaro hamkorlik bo'yicha prorektor A.T. Jo'rayev xorij OTMlari bilan qo'shma hamkorlik to'g'risida, Ilmiy ishlar va innovatsiyalar bo`yicha prorektor O.S. Qahhorov universitetning ilmiy salohiyati, kengashlar faoliyati xususida ma’lumot berdi. Shundan so`ng Yoshlar bilan ishlash bo`yicha prorektori A.M. Kadirovning olib borilayotgan ma’naviy-ma’rifiy ishlar, yangiliklar va yutuqlar xususidagi axboroti tinglandi.Anjuman doirasida jurnalistlar o`zarin qiziqtirgan savollar bilan murojaat qildilar.Dilfuza Najmiyeva “Mening yurtim” telekanalining Buxoro viloyati muxbiri Rustam Jumayev O`quv ishlari bo`yicha prorektori v.b. BuxDU Matbuot xizmati