Yig`ilish avvalida BuxDU rektori O.X.Xamidov Universitet matbuot kotibi hamda fakultetlarning matbuot kotiblari, Yoshlar ittifoqi yetakchilariga murojaat qilib, bugungi siyosiy jarayon, o`tgan besh yil mobaynida qilingan islohotlar hamda 9 oy davomida universitetdagi o`zgarishlar xususida gapirdi. Shavkat Mirziyoyevning “Yangi O‘zbekiston strategiyasi” kitobi hamda Yangi O‘zbekistonni, shuningdek, Uchinchi Renessans poydevorini barpo etish borasida amalga oshirilayotgan tub o‘zgarishlar, olib borilayotgan islohotlarning mazmun-mohiyati va maqsadi hamda ustuvor yo‘nalishlari, milliy taraqqiyot istiqbollari haqida fikr yuritildi.Shundan so`ng, Tarix va madaniy meros fakulteti dekani J. Jo`rayev tomonidan Buxoro davlat universiteti jamoasi va keng jamoatchilikni 2021-yilning 24-oktabrida bo`lib o`tadigan prezidentlik saylovlarida faol ishtirok etishini ta’minlashga qaratilgan targ`ibot va tashviqot qilish chora-tadbirlar rejasi tanishtirildi. 18 yoshga to`lgan talabalar o`rtasida saylov qonunchiligi yuzasidan axborot berish, saylov jarayoni bilan bog`liq masalalarni ommaviy axborot vositalari, jumladan, ijtimoy tarmoqlarda yoritish yuzasidan yo`l-yo`riq berildi.BuxDU Matbuot xizmati