Fransiya Senatining «Fransiya – Markaziy Osiyo» do‘stlik guruhi raisi Erve Morey boshchiligidagi «Fransiya – Markaziy Osiyo» parlamentlararo do‘stlik guruhi delegasiyasi a’zolari taklifiga binoan 2021 yilning 3-sentabr kuni Buxoro davlat universiteti rektori, iqtisodiyot fanlari doktori, professor Obidjon Xamidov Buxoroi-sharifning Komil Boutique mehmonxonasida Fransiya Senatining «Fransiya – Markaziy Osiyo» do‘stlik guruhi raisi Erve Morey boshchiligidagi «Fransiya – Markaziy Osiyo» parlamentlararo do‘stlik guruhi delegatsiyasi a’zolari bilan uchrashdi.O’zaro muloqotda fransiyalik mehmon O‘zbekiston xalqini mamlakat mustaqilligining 30 yilligi bilan samimiy tabriklab, O‘zbekiston va Fransiya o‘rtasidagi hamkorlikni yanada yuqori pog‘onaga ko‘tarish uchun barcha imkoniyatni ishga solishga tayyor ekanini bildirdi. Uchrashuvda o‘tgan davr mobaynida mamlakatlarimiz o‘rtasidagi do‘stona aloqalarning faollashuvida hamkorlik muhim ahamiyat kasb etib borayotgani ta’kidlandi. Xususan, bugungi kunda O‘zbekiston – Fransiya o‘rtasida siyosiy, savdo-iqtisodiy, madaniy-gumanitar, ilmiy-texnikaviy va boshqa sohalarda keng hamkorlik aloqalari yo‘lga qo‘yilgani, o‘z navbatida, bu sa’y-harakatlar O‘zbekiston Respublikasi Prezidenti Sh.M.Mirziyoyevning 2018 yilning oktyabrida Fransiyaga amalga oshirgan davlat tashrifidan so‘ng yangi bosqichga ko‘tarilgani qayd etildi.Universitet rektori O.Xamidov mehmonlarni Buxoroi sharifda ko’rib turganidan mamnun ekanliklarini bildirib, universitetimiz to’g’risida batafsil ma`lumotlarni berib o’tdi. Hamkorlik doirasida tashkil etilgan Fransiyaning Vatel mehmonxona va biznes ta`lim muassasasi ta`lim dasturi bo’yicha alohida to’xtalib o’tdi. BuxDU Xorijiy tillar fakulteti dekani M.Jo’rayeva mehmonlarga Buxoro viloyatida fransuz tili o’qitilishi bo’yicha qo`shimcha malumotlar berib o’tdi.Muloqot so’ngida «Fransiya – Markaziy Osiyo» do‘stlik guruhi raisi Erve Morey BuxDU rektori Obidjon Xamidovga Fransiya Senati ko’krak nishoni topshirdi. BuxDU rektori tomonidan mehmonlarga estalik uchun sovg’alar va universitet to’g’risidagi axborot-tahliliy materiallar ulashildi.
