Italiyaning Paduya universiteti jahonning yetakchi universitetlaridan biri hisoblanib, Times-2022 reytingida 201-250 guruhida, QS-2022 reytingida 242-o‘rinni egallaydi. Mazkur universitet bilan uzoq yillik hamkorlik o‘rnatilgan bo‘lib, ko‘plab magistrantlar, tadqiqotchilar, o‘qituvchilar almashinuvi amalga oshirib kelingan. Almashinuv dasturlarining natijasi sifatida olimlar o‘rtasidagi ilmiy hamkorlik aloqalari ham davom etib kelmoqda.9-sentyabr kuni xalqaro hamkorlik bo‘yicha prorektor A.Jo‘rayev Paduya universiteti iqtisodchi olimi, o‘z vaqtida BuxDUda taʼlim bergan professor David Cheletti bilan uchrashuv o‘tkazdi. Uchrashuvda iqtisodiyot yo‘nalishida ilmiy hamkorlikni davom ettirish masalasi muhokama qilindi. David Cheletti BuxDU tadqiqotchilariga ilmiy rahbarlik qila olishi, iqtisodiy yo‘nalishlarda dars berishga tayyor ekanligini maʼlum qildi. Shuningdek, kichik grantlar dasturlariga birgalikda ariza topshirishga kelishib olindi.BuxDU Xalqaro hamkorlik bo'limi