2021 yilning 23-sentabr kuni kechki paytda BuxDU rektori Obidjon Xamidov prorektorlar, fakultet dekanlari, dekan o'rinbosarlari ishtirokida Talabalar turar joyini ko'zdan kechirdi. O'rganish paytida har bir binoning sig'imi, undagi talabalar uchun yaratilgan sharoitlar, bo`sh xonalar bo'yicha dekanlar hamda dekan o'rinbosari tomonidan tayyorlangan hisobotlarni tingladi. Shuningdek, universitet rektori Talabalar turar joyida tashkil etilgan Besh tashabbus xonalari foydalanish holati bilan tanishib, u yerdagi talaba-qizlar bilan suhbat qildi. Dekan o'rinbosarlari tomonidan talabalar turar joyida yashayotgan talabalarning malumotlarini universitet raqamli uniwork.buxdu.uz platformasida kiritilish holati bilan tanishib, kerakli topshiriqlarni berib o'tdi.Shuningdek, universitet rektori yangi axborot resurs markazida universitet yotoqxonasida yashayotgan xorijlik (turkmanistonlik) talabalar bilan suhbat qildi. Suhbat chog`ida xorijlik talabalarning universitet markazlaridan foydalanishi, bo'sh vaqtida ma'naviy-ma'rifiy tadbirlarda ishtirok etishi, yangilangan Axborot resurs markazidan foydalanishni tavsiya berdi va ular tomonidan universitet ichki tartib qoidalariga rioya qilish zarurligi aytib o'tildi. BuxDU Matbuot xizmati