BuxDU O`zbek filologiyasi hamda Buxoro tumanidagi 53-son IDUMI hamkorligida 20 fevralda “O`zbek filologiyaning dolzdarb masalalari” deb nomlangan seminar trening o`tkazildi. Seminarda Jo`rayeva M.U.-Buxoro tuman xalq ta’limi muassasalari faoliyatini metodik ta’minlash va tashkil etishbo`limi metodisti BuxDU o`zbek filologiyasi kafedrasi professor-o`qituvchilari: Sh.Axmedova, M. Abuzalova, S.Nazarova, D. Yo`ldosheva, G.Toirova, B.Jo`rayeva, D.O`rayeva, D.Quvvatova, H.Safarova, N.Bekova, Z.Amonova, M.Rajabova, Buxoro tumanidagi 8 ta maktab “Ona tili va adabiyot” fani o`qituvchilari (jami 60 nafar o`qituvchi) ishtirok etishdi. Kun tartibidagi masala yuzasidan Buxoro tumanidagi 53-son IDUMI direktori M.M.Solievga seminar-treningni ochib berish uchun so`z berildi. Bugungi davra suhbatining asosiy maqsadi “O`zbek filologiyaning dolzdarb masalalari” mavzusiga bag`ishlanganligini aytib o`tdi.Seminar-treningni BuxDU filologiya fakulteti o`zbek filologiyasi kafedrasi mudiri, f.f.d Sh.Axmedova“Navodirul- vaqoe” va S.Ayniy” ma’ruzasi bilan boshlab berdi.O`z davrining yirik adibi, shu bilan birga adabiyotshunos S.Ayniy tadqiqotlarini o`qir ekanmiz, ko`z oldimizda adabiyot tarixining zukko bilimdoni, mohir munaqqidi gavdalanadi. Ayniy tadqiqotlarining aksariyati ilmiy-biografik xarakterda bo`lib, buyuk insonlar qiyofasini yaratishga bag`ishlanadi. Abu Ali ibn Sino, Sa’diy Sheroziy, Bedil va A.Navoiy haqidagi tadqiqotlar bunga misol bo`la oladiMavzuni davom ettirish maqsadida so`zni BuxDU o`zbek filologiyasi kafedrasi professori, f.f.n. M. Abuzalovaga berildi.U “O`zbek tili qurilishining yana bir milliy tabiati” mavzusida ma’ruza qildi. Milliy istiqlol sharofati, «Ta’lim to`g`risida»gi Qonun va «Kadrlar tayyorlash milliy dasturi»ning hayotga tatbiqi munosabati bilan ta’limning barcha bo`g`inlarida ona tili tadrisi maqsad, mazmun va usul jihatdan tubdan yangilandi. Ona (o`zbek) tili ta’limi oldiga: - o`rta ta’lim bosqichida ta’lim oluvchilarga ona tili imkoniyatlari asosida ijodiy tafakkur sohibini etishtirish, - oliy filologik ta’limda – bo`lajak o`qituvchilarda ona tili imkoniyatlari va ularning nutqda voqelanish rang-barangligi zaminida ta’lim oluvchilarda mustaqil fikrlash odatini singdirish maqsadlarining qo`yilganligi mohiyatan imkoniyatlar tilshunosligi bo`lgan substantsial tahlil yo`nalishining respublikamizda tez va keng ommalashishiga mustahkam ijtimoiy asos bo`ldi. Ta’limning umumiy o`rta, o`rta maxsus va oliy filologik bo`g`inlari uchun ona (o`zbek) tili bo`yicha dastur, darslik hamda qo`llanmalarda grammatik talqinlar tilimiz qurilishining turkona tabiatini ochib beruvchi va milliy istiqlolning pursamar mevalaridan biri bo`lgan substantsial tahlil asosida berildi. Bu o`quv adabiyotlarida o`zbek tili qurilishining nisbatan yaxlit substantsial tavsifi o`z aksini topdi. Bu esa, o`z navbatida, muhtaram yurtboshimizning o`z tariximizni o`zimiz o`rganishimiz va o`z mezonlarimiz bilan baholashni talab qilganlaridek, o`zbek substantsial tahlilining tarixiy ildizlarini, uning til qurilishi talqini bilan bog`liq bo`lgan boshqa nazariyalar, jumladan, valentlik haqidagi ta’limot bilan aloqalarini atroflicha o`rganishni talab qiladi.Shundan keyin savol-javoblarga o`tildi. BuxDU o`zbek filologiyasi kafedrasi professor-o`qituvchilari B.Jo`rayeva, D.O`rayeva, D.Quvvatova, H.Safarova, N.Bekova, Z.Amonova, M.Rajabovalar maktab o`qituvchilari tomonidan berilgan savollarga javob berdilar.Seminar-treningni yakunlash uchun so`z Buxoro tumanidagi 53-son IDUMI “Ona tili va adabiyoti” fani o`qituvchisi, “Yil o`qituvchisi -2012” Respublika tanlov g`olibi Hayitova Dilbar Qurbonovnaga berildi. Mana shunday tadbirlar doimiy bo`lib turishini, universitet bilan ilmiy aloqa uzuksizligini ta’kidladi.Tadbir davomida fan va ishlab chiqarish o`rtasida innovatsion korporativ (o`zaro manfaatli) hamkorlikni yo`lga qo`yish, maktablar bilan hamkorlikning zamonaviy modelini yo`lga qo`yish, professor-o`qituvchilar va mutaxassis olimlar tomonidan olib borilayotgan ilmiy tadqiqot faoliyati natijasida yaratilayotgan ilmiy-texnologik ishlanmalarni mana shunday o`quv dargohlarida operativ tadbig`ini ta’minlash va amaliy yordam ko`rsatish universitet professor-o`qituvchilari tomonidan ta’kidlandi.
