2021 yilning 7-aprel kuni O‘zbekiston Respublikasi Vazirlar Mahkamasi huzuridagi Oliy attestatsiya komissiyasi raisi A.T.Yusupov Buxoro davlat universitetiga tashrif buyurib, universitet huzuridagi ilmiy darajalar beruvchi 8 ta Ilmiy kengashlar raislari va rais o‘rinbosarlari, ilmiy kengash kotiblari, Ilmiy seminar raislari va ilmiy seminar kotiblari bilan yig‘ilish o‘tkazdi. Yig‘ilishda kun tartibiga qo‘yilgan asosiy masalalar Ilmiy darajalar beruvchi ilmiy kengashlar faoliyatini yuritishda har qanday moddiy va ma’naviy shakldagi ta’magirlik holatlari oldini olish hamda ilmiy darajalar beruvchi ilmiy kengashlar faoliyati samaradorligini va dissertatsiya, avtoreferatlarni rasmiylashtirish sifatini oshirish to‘g‘risida bo‘ldi. BuxDU rektori prof. O.X.Xamidov yig‘ilishni ochib berib, bugungi kunda mamlakat ijtimoiy-iqtisodiy hayotida innovatsion rivojlanishni joriy etish, yangi g‘oya va taraqiyotning noan’anaviy usullarini qo‘llash muhim ekanligi, shuningdek kuni kecha davlatimiz rahbari tomonidan hududlarda ilmiy va innovatsion faoliyatni rivojlantirish va takomillashtirish maqsadida O‘zbekiston Respublikasi Prezidentining 2021 yil 1 apreldagi PF-6198-son «Ilmiy va innovatsion faoliyatni rivojlantirish bo‘yicha davlat boshqaruvi tizimini takomillashtirish to‘g‘risida»gi Farmoni qabul qilinganligi, mamlakatimiz innovatsion rivojlanishga xos taraqqiyot yo‘llari hamda ilg‘or ish uslublarini tadqiq etish, uni O‘zbekiston sharoitida qo‘llash masalalari va buning uchun mamlakatda yaratilgan me’yoriy-huquqiy asosning ijtimoiy-iqtisodiy taraqqiyotning bugungi davriga mos kelishini o‘rganish uchun muhim ahamiyat kasb etishini ta’kidlab, so‘z navbatini O‘zbekiston Respublikasi Oliy attestatsiya komissiyasi raisi A.T.Yusupovga berdi. Kun tartibiga qo‘yilgan masala o‘ta jiddiy ekanligi, ilmiy darajalar beruvchi ilmiy kengashlarda olib borilayotgan faoliyati sifat va samaradorligini oshirish asosiy vazifalariga quyidagilarni yana alohida ta’kidlab o‘tish lozimligini bildirdi: ya’ni «Ilmiy darajalar beruvchi ilmiy kengash to‘g‘risida»gi Nizomning 4-bobi 33-bandiga asosan Ilmiy kengash tomonidan himoyaga qabul qilinayotgan dissertatsiyalarning dastlabki ekspertizadan sifatli va xolisona o‘tkazilishini ta’minlash; dissertatsiya va dissertatsiya avtoreferatini rasmiylashtirish bo‘yicha Nizom talablariga to‘la rioya qilish, dissertatsiyada plagiat (ko‘chirmachilik) holatlariga mutlaqo yo‘l qo‘ymaslik; ilmiy darajalar beruvchi ilmiy kengashning obro‘-e’tiborini oshirish maqsadida, avtoreferatlar matnining tahririga, ilmiy yangiligi tegishli ravishda ochib berilishiga, ilmiy natijalarning amaliyotga joriy qilinishi haqidagi ma’lumotlarni uslubiy ko‘rsatmaga muvofiq ravishda rasmiylashtirishda kengash a’zolarining mas’uliyatini oshirish borasida aytib o‘tdi. OAK raisi har bir kengash faoliyatini kelgusida yuqori ma’suliyat bilan Nizom talablari asosida bajarishga, yuklatilgan vazifalar ijrosiga jiddiy yondashishga kengash raisi, o‘rinbosari, kotibi, seminar raisi, o‘rinbosari, kotibi birdek mas’uldir. Har qanday moddiy va salbiy holatlarga, jumladan, ta’magirlikka qarshi murosasiz munosabatda bo‘lmagan ayrim kengash¸ masalan, Qoraqalpog‘istondagi kengashdagi salbiy holatni aytib, barcha ilmiy kengashlar ilmiy kotiblari, seminar kotiblari belgilangan qat’iy tartibni buzish holatlarini kuzatilishini oldini olish maqsadida topshiriqlar berdi.Universitet kengashlari ilmiy seminarlaridan o‘tgan 31 ta dissertasiya ishlari va respublikamizning boshqa OTMlari kengashlari seminarlaridan o‘tgan 4 ta doktorlik dissertasiya ishlari, jami 35 ta tadqiqot ishining himoyaga tayyorligini inobatga olgan holda, 3 nafar kotiblarni OAK ga xizmat safariga yuborish kerakligi hamda OAK tomonidan dissertatsiya himoyalariga tavsiya etilgandan so‘ng, dissertatsiya himoyalari sessiya tarzida tashkil qilinishi bo‘yicha topshiriqlar berdi.OAK raisi universitet rahbariyatiga BuxDU ilmiy salohiyatini inobatga olgan holda ilmiy darajalar beruvchi falsafa doktori (PhD) ilmiy kengashlari asosida fan doktori (DSc) ilmiy darajalarini beruvchi ilmiy kengash tashkil etish masalasi bo‘yicha OAK ga taklif kiritishi mumkinligini ma’lum qildi.Universitet huzuridagi psixologiya fanlari bo‘yicha falsafa doktori (PhD) ilmiy darajasini beruvchi kengash raisi prof. Sh.R.Barotov so‘zga chiqib, yig‘ilishda aytilgan barcha gaplardan to‘g‘ri xulosa chiqargan holda kengashning keyingi faoliyatida kelib tushayotgan tadqiqot ishlarining sifatini oshirishda ma’suliyatini kuchaytirish borasida; falsafa fanlari bo‘yicha falsafa doktori (PhD) ilmiy darajasini beruvchi kengash raisi prof. G.N.Navro‘zova OAK raisining Buxoro davlat universitetiga navbatdagi tashriflari hamda kengash ishiga ko‘rsatgan amaliy yordamlari uchun minnatdorchilik fikrlar bildirgan holda, bildirgan qimmatli fikrlariga to‘la amal qilishga bor kuch g‘ayratini safarbar etishini aytib o‘tdi. Yig‘ilish yakunida universitet rektori O.X.Xamidov O‘zbekiston Respublikasi Vazirlar Mahkamasi huzuridagi Oliy attestatsiya komissiyasi raisi A.T.Yusupovga fan doktori (DSc) ilmiy darajasini beruvchi ilmiy kengash tashkil etish masalasi bo‘yicha OAK ga takliflar tayyorlanishi hamda ilmiy darajalar beruvchi ilmiy kengashlar faoliyatini yuritishda har qanday moddiy va ma’naviy shakldagi ta’magirlik holatlari oldini olish yuzasidan kengashning har bir a’zosi ma’suliyatini oshirish choralari ko‘rilishi, shuningdek universitet kengashlari kotiblaridan 3 nafarini seminarlardan o‘tgan avtoreferatlarni talab darajasida rasmiylashtirilgan holda 2021 yil 17 aprel kuni OAK ga yuborishi ta’kidlab, yig‘ilishni yakunladi.Buxoro davlat universiteti huzuridagi ilmiy darajalar beruvchi Ilmiy kengashlarning 2021 yil 1-choragi bo‘yicha ma’lumot: Universitet ilmiy salohiyatini oshirishga xizmat qilgan diplomlar soni 2 ta, 2020 yil va 2021 yil 1-choragida OAKga himoyaga e’lon uchun yuborilgan xujjatlar soni 22, Rejada yilning oxirigacha rejalashtirilayotgan himoyalar soni 70.Ilmiy kengashlar faoliyati haqida umumiy ma’lumot: BuxDU a’zolari 106, Ilmiy kengashga kelib tushgan arizalar 13, O‘tkazilgan seminar 12, O‘tkazilgan himoyalar 2, Kengash ekspert va takrizchilari tomonidan o‘rganilayotgan xujjatlar 15, Ilmiy kengash va ilmiy seminardagi fan doktorlari 59, Ilmiy kengash va ilmiy seminardagi fan nomzodi va falsafa doktori (PhD) 99, Ilmiy kengash va ilmiy seminar a’zolari 158. BuxDU Matbuot xizmati
