Xabaringiz bor, 24-31 may kunlari Birlashgan Arab Amirliklarining Dubay shahrida boks bo‘yicha Osiyo chempionati bo‘lib o‘tdi. Buxoro viloyat hokimligi axborot xizmatining xabar berishicha, ushbu chempionatda O‘zbekiston terma jamoasi vakillari ham munosib ishtirok etib, medallar jamg‘arish bo‘yicha eng yuqori natijaga erishdilar.Yakunlangan qit’a birinchiligida to‘liq tarkibda ishtirok etgan yurtimiz vakillari 7 ta oltin, 6 ta kumush va 5 ta bronza, jami 18 ta medallar jamlanmasiga ega chiqishdi. Quvonarlisi, chempionatga otlangan 20 nafar bokschimizdan 18 nafari g‘oliblik shohsupasidan o‘rin egalladi.Terma jamoamiz tarkibida munosib harakat qilib, yuqori natijlar qayd etgan sportchilar orasida Buxorolik “charm qo‘lqop” ustalari ham bor. Jumladan, 52 va 75 kilogrammgacha vazn toifasida yurtimiz sharafini himoya qilgan Shahobiddin Zoirov va BuxDU Jismoniy madaniyat fakultetining 4-bosqich talabasi Saidjamshid Jafarovlar finalgacha bo‘lgan yo‘lda barcha raqiblarini mag‘lubiyatga uchratib, final janglarida munosib ishtirok etishdi. Jahon chempionati hamda Olimpiya o‘yinlari g‘olibi Shahobiddin Zoirov Osiyo chempionati finalida o‘zining azaliy raqibi, hindistonlik Amitga qarshi ringga ko‘tarildi va 3:2 hisobida ishonchli g‘alaba qozonib, Osiyo chempioni degan faxriy unvon sohibiga aylandi. Quvonarlisi, bokschimiz shu kungacha Osiyo chempionatida zafar quchmagan.Yana bir buxorolik iqtidor egasi, BuxDU Jismoniy madaniyat fakultetining talabasi Saidjamshid Jafarov esa finalda qozog‘istonlik Abilxan Amankulga qarshi jang qildi va o‘zining debyut musobaqasida iste’dodini namoyish etib, mintaqada tengsiz “charm qo‘lqop” egasi ekanligini isbotladi. Bugun Saidjamshid Jafarov, Shahobiddin Zoirov, Mironshox Ibragimov, Suhrob Qayumov, Amirshox Samadov, Shaxzod Muzaffarov va ularning murabbiylari ishtirokida Buxoro davlat universitetida uchrashuv o'tkazildi. Uchrashuvni kirish so'zi bilan BuxDU yoshlar bilan ishlash bo'yicha prorektori A.M.Kadirov ochib berdi hamda BuxDU rektorining tabriklarini yetkazdi. O'zLidep Buxoro viloyati siyosiy ta'lim markaz rahbari N.Alimov Prezidentimizning bokschilarga yo'llagan tabrigini yetkazdi.Uchrashuv davomida Buxoro bojxona boshqarmasi boshlig'i B.Qutlimuratov, Jismoniy madaniyat fakultetining dekani B.B.Ma'murov hamda O'zbekistonda xizmat ko'rsatgan sport murabbiyi R.Xadjayev so'zga chiqib, barcha bokschilarimizni g'alaba bilan tabriklashdi. Sportchilar va ularning murabbiylariga to‘n hamda qimmatbaho sovg'alar topshirildi.BuxDU Matbuot xizmati