2021 yil 27 fevral soat 16:00 da Buxoro davlat universiteti 1 va 2-o‘quv binolari kirish joyida Buxoro shahar favqulodda vaziyatlar bo‘limi 1-yong‘in qutqaruv qismi shaxsiy tarkibi va Buxoro davlat universitet fuqaro va mehnat muhofazasi bo‘limi xodimlari ishtirokida “Yong‘in o‘chirish amaliy taktik” o‘quv mashg‘uloti o‘tkazildi. “Yong‘in o‘chirish amaliy taktik” o‘quv mashg‘ulotini Buxoro shahar favqulodda vaziyatlar bo‘limi 1-yong‘in qutqaruv qismi boshlig‘i mayor Rustam Ro‘ziyev ochib, universitet talabalariga yong‘in o‘chirish amaliy taktik o‘quv mashg‘ulotining o‘tkazish maqsadi, tartibi va vazifalari to‘g‘risida gapirib berdi. Shundan so‘ng yong‘in o‘chirish mashinasi yordami yong‘in o‘chirish usullari amaliy tartibida namoyish etildi va yong‘in o‘chirish vositalari talabalarga ko‘rsatildi, mutaxassislar tomonidan talabalarni qiziqtirgan savollariga javob berildi. Amaliy taktik o‘quv mashg‘uloti yakunida universitet fuqaro va mehnat muhofazasi bo‘lim boshlig‘i Fatillo Boltayev o‘quv mashg‘ulotiga tashrif buyurgan mutaxassislar va ishtirokchilarga minatdorchilik bildirib, ular tomonidan berilgan ma’lumotlar universitet talabalarga qiziqarligi to‘g‘risida aytib o‘tdi.BuxDU Matbuot xizmati
