26-mart kuni xalqaro hamkorlik bo‘yicha prorektor A.Jo‘rayev universitetga tashrif buyurgan Turkiya Respublikasining O‘zbekistondagi elchixonasi Madaniyat va turizm masalalari bo‘yicha maslahatchisi Alparslan Akinji hamda ichki ishlar bo‘yicha mutaxassis Mustafa Avji bilan uchrashdi. Uchrashuvda xalqaro hamkorlik bo‘limi boshlig‘i M.Qilichov, Xorijiy tillar fakulteti dekani M.Jo‘rayeva, kafedra mudirlari Z.Rasulov, O.Fayzullayev, dotsentlar M.Ahmedova, F.Xajiyeva, L. Jalilova, M.Raxmatova va boshqa o‘qituvchilar ishtirok etishdi.Uchrashuvda universitetda turk tili va madaniyati markazi faoliyatini yo‘lga qo‘yish, turk tili kurslarini tashkil etish, Turkiya universitetlari bilan hamkorlik o‘rnatish masalalari muhokama qilindi.Tomonlar joriy yilning sentyabr oyida O‘zbekiston Respublikasi mustaqilligining 30 yilligi hamda mustaqilligimizning Turkiya Respublikasi tomonidan tan olinganligining 30 yilligiga bag‘ishlangan “Buxoroning “Anqara hukumati”ga ko‘rsatgan yordamining 100 yilligi” keng ko‘lamli mavzusi doirasida yirik kongress o‘tkazish masalasini kun tartibiga qo‘yish kelishib olishdi.Tashrif oxirida prorektor A.Jo‘rayev tomonidan mehmonlarga yangidan rekonstruksiya qilinayotgan ARM binosi ko‘rsatilib, uning tarkibida amalga oshirish rejalashtirilgan ishlar bilan tanishtirildi. Shuningdek, ARM binosida Turkiya hamkorlik va muvofiqlashtirish agentligi (TIKA) loyihalarini yo‘lga qo‘yish imkoniyatlari mavjudligi taʼkidlandi.BuxDU Xalqaro hamkorlik bo'limi
