2020 yilning 24 sentabr kuni Buxoro davlat universitetining kichik majlislar zalida universitet 3-bosqich tayanch doktorant (PhD)larning 3 yillik faoliyati bo‘yicha yig‘ilish o‘tkazildi. Yig‘ilishda universitet rektori, i.f.d., professor O.X. Xamidov tomonidan tayanch doktorant (PhD)lar va ularning ilmiy rahbarlariga doktorlik dissertasiyalarini o‘z vaqtida himoya qilish lozimligi ta’kidlandi.Tayanch doktorant (PhD) bilan alohida shaklda yutuq va kamchiliklar borasida suhbat olib borildi. Buxoro davlat universiteti ilmiy ishlar va innovatsiyalar bo‘yicha prorektori, i.f.f.d. (PhD), dotsent O.S. Qahhorov so‘zga chiqib, tayanch doktorant (PhD)lar uchun universitet rahbariyati tomonidan barcha imkoniyatlar yaratib berilayotganini, berilayotgan imkoniyatlardan unumli foydalanish lozimligini hamda bu yo‘lda rahbariyat doimo yordamga shayligini aytib o‘tdi. Tayanch doktorant (PhD)lar hamda ularning ilmiy rahbarlari so‘zga chiqib, mamlakatda, shu jumladan universitetda ilm-fanga berilayotgan e’tiborni qadrlashlarini, berilgan imkoniyatlardan unumli foydalanib o‘z doktorlik dissertasiyalarini o‘z vaqtida himoya qilishlarini hamda universitet ilmiy salohiyatini oshirishda hissalarini qo‘shishlarini ta’kidlashdi.
