2020-yilning 13-oktabr kuni Buxoro davlat universitetiga Nizomiy nomidagi Toshkent davlat pedagogika universiteti rektori Umarov Alisher Yusupjanovich boshchiligidagi universitet rahbariyati tashrif buyurdi. Mehmonlarni BuxDU o’quv ishlari bo’yicha prorektori M.I.Daminov hamda BuxDU ilmiy ishlar va innovatsiyalar bo’yicha prorektori O.S. Qahhorov kutib olishib dastlab universitet muzeyiga ekskursiya o’tkazdilar.Shuningdek, universitet kichik majlislar zalida Buxoro davlat universiteti rahbariyati hamda Toshkent davlat pedagogika universiteti rahbariyati o’rtasida uchrashuv bo’lib o’tdi. Ushbu uchrashuvda ikki tomonlama hamkorlik aloqalarini yanada kengaytirish, ilmiy tadqiqot ishlarini olib borish, dissertatsiya jarayonlarida himoyalarni tashkil etish, ustoz shogird tizimida hamkorlik ishlarini tashkil etish, talabalar almashinuvini yo’lga qo’yish, ma’naviy-ma’rifiy ishlar bo’yicha hamkorlikni kuchaytirish, professor-o’qituvchilar malaka oshirish borasida hamkorlik ishlari kelishib olindi.Nizomiy nomidagi Toshkent davlat pedagogika universiteti rektori Umarov Alisher Yusupjanovich ushbu ishlarni amalga oshirishda o’z tajribalari bilan Buxoro davlat universiteti rahbariyati bilan o’rtoqlashdilar. Uchrashuvda Nizomiy nomidagi Toshkent davlat pedagogika universiteti rektori Umarov Alisher Yusupjanovich hamda universitet rahbariyatiga estalik sovg’alari topshirildi.BuxDU Matbuot kotibi Feruz Qo'chqorov
