O‘zbekiston Respublikasi Prezidentining «2017 — 2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini «Ilm, ma’rifat va raqamli iqtisodiyotni rivojlantirish yili»da amalga oshirishga oid davlat dasturi to‘g‘risida» 2020 yil 2 martdagi PF-5953-son Farmoniga muvofiq, shuningdek, xotin-qizlarning oliy ta’lim muassasalarida tahsil olishi uchun yanada keng imkoniyatlar yaratish uchun Vazirlar Mahkamasi qarorini ijrosini ta’minlash maqsadida joriy yilda Buxoro davlat universitetiga ham 31 nafar xotin-qizlar davlat granti asosida talabalikka qabul qilindi. 6 oktyabr kuni BuxDU rektori Xamidov Obidjon Xafizovich Maktabgacha va boshlang'ich ta'lim fakulteti dekani Q.R. To'xsanov bilan birgalikda talabalarni uylariga borib tabriknoma hamda qimmatbaxo sovg‘alar ulashdilar. Boshlang'ich ta'lim yo'nalishiga hujjat topshirib talabalikka baxtiga musharraf bo'lgan Itolmasova Oygul Sabriddinovna xonadoniga tashrif chog‘ida talaba qizni va uning oila a’zolarini samimiy tilaklar bilan qutlashdi hamda esdalik sovg‘alari topshirishdi."Universitet rektori Obidjon Xamidov shaxsan o'zlari menga tabriknomani topshirishlari meni juda xursand qildi. O'ylaymanki menga bildirilgan ishonchni albatta a'lo baholarda o'qib, ta'lim grantlarini yutib, nomdor stipendiyantlar qatorida bo'lib oqlashga harakat qilaman"- deydi Oygul Itolmasova.Hayotdan katta maqsadlari bor, lekin qaysidir jihatdan imkoniyati cheklangan yoxud ko‘makka muhtoj ayrim iqtidorli qizlarga davlat tomonidan berilgan bunday e’tibor ularning ko‘nglini tog‘day ko‘targanini yoshlarning yuz-ko‘zlaridan bilib olish qiyin emas edi.BuxDU Matbuot xizmati
