Buxoro davlat universiteti Agronomiya va biotexnologiya texnologiya fakulteti Biologiya taʼlim yo‘nalishi o‘qituvchi va talabalar bilan ZOOM orqali O‘zbekiston Respublikasi Mustaqilligining 29 yilligi munosabati bilan “Sen- qudrat manbai, saodat maskani, jonajon O‘zbekistonim!” shiori ostida onlayn madaniy-maʼrifiy tadbiri o‘tkazildi. Bayram tadbirini fakultet dekani A.Q.Qodirov kirish so‘zi bilan ochib, barcha onlayn tadbir ishtirokchilarini Mustaqilligimizning 29 yilligi bayrami munosabati bilan tabrikladi. O‘zbekiston Respublikasi Prezidenti Sh.M.Mirziyoyev 27 avgust kuni mustaqillik bayrami munosabati bilan koronavirusga qarshi kurashayotgan tibbiyot xodimlaridan bir guruhini, shuningdek fan, taʼlim, adabiyot, madaniyat, sanʼat va OAV xodimlari, kecha esa yana bir qator davlat xizmatchilari, ishlab chiqarish va ijtimoiy-iqtisodiy sohalar xodimlari “Do‘stlik” va I darajali “Salomatlik” ordenlari hamda «Kelajak bunyodkori» va “Shuhrat” medallari bilan mukofotlanganligi, bu yurtimizning har bir farzandiga bo‘lgan yuksak eʼtibor ekanligi to‘g‘risida taʼkidlab o‘tdi. Xalqimizning g‘urur-iftixori bo‘lgan mustaqilligimizning 29 yilligini nishonlashdek ulkan baxtga, hammamizni yana bir bor yetkazdi. Xalqimiz asrlar davomida intilib, orziqib kutgan, haqiqatan ham, barchamiz uchun eng ulug‘, eng aziz bayram bo‘lmish O‘zbekistonning Mustaqillik kuni bilan ustoz va talabalarni tabrikladi.Onlayn tadbirda, Biologiya kafedrasi mudiri M.To‘rayev, o‘qituvchilari M.Tog‘ayeva, D.Usmonova, talabalari V.Vixareva, A.Umedov so‘z olib barcha ishtirokchilarni mustaqilligimizning 29 yilligi bilan muborakbod etib, mustaqillik tufayli xalqimizning fidokorona mehnati, yoshlarimizning g‘ayrati, azmu shijoati ila vatanimizning shon-shuhrati olam uzra yana-da kengroq yoyilayotganligi to‘g‘risida gapirib, ular bunday imkoniyatlardan unumli foydalanish, bilim salohiyatlarini, maʼrifatli yoshlarni tarbiyalash bizning asosiy burchlari ekanligini bildirishdi.Tadbirda fakultet talabalri tomonidan kuy va qo‘shiqlar jonli ijroda aytilgan xolda bayram tabrigi yo‘llandi. Yurtimiz haqiqatdan ham saodat maskani ekanligi, mustaqillik har bir odamning iqtisodiy, ijtimoiy sohalarda isteʼdod va qobiliyatini to‘la namoyon etishi, huquq va erkinliklarini ro‘yobga chiqarishining mustahkam zamini ekanligi, yurtboshimiz tomonidan olib borilayotgan islohotlar insonning erkin farovon hayot kechirishi uchun, yaxshi yashashi va munosib turmush darajasiga erishishi uchun xizmat qilishi to‘g‘risida gapirib o‘tishdi.
