Buxoro davlat universiteti rektori iqtisod fanlari doktori, professor Xamidov Obidjon Xafizovich hamda Xalqaro Markaziy Osiyo tadqiqotlari instituti direktori tarix fanlari nomzodi, arxeolog Voyakin Dmitriy Alekseyevich, Tarix va madaniy meros fakulteti negizida "Markaziy Osiyoning tarixiy madaniy merosini o‘rganish va saqlash xalqaro ilmiy-tadqiqot markazi"ni tashkil etishdi. Markaz o‘z faoliyatini jamoatchilik asosida olib borib, quyida maqsad va vazifalarni amalga oshirishni belgilab oldi.Jumladan, ilmiy-tadqiqot va ta’lim loyihalarida hamkorlik qilish va tadqiqot guruhlari va tadqiqotchilarning o‘zaro tashriflarini tashkil etish. Qo‘shma ta’lim va tadqiqot dasturlarini ishlab chiqish va tadqiqotchilar almashinuvi amalga oshirish. Hamkorlikda ilmiy seminarlar, konferensiyalar, treninglar va boshqa shu kabi tadbirlarni tashkil etish. Akademik nashrlar va ma’lumotlar almashinuvini yo‘lga qo‘yish hamda moddiy va nomoddiy madaniy meros obyektlarini tadqiq etishda o‘zaro hamkorlikda ishlash kabi strategik masalalar muhokama etildi. Shuningdek, Tarix va madaniy meros fakulteti kafedralari kesimida yosh olimlarni fundamental tarixiy tadqiqotlarga va axeologik izlanishlarga jalb etish, xalqaro ilmiy-tadqiqot muassasalari bilan hamkorlikni yanada mustahkamlash, Buxoro tarixini o‘rganishga qaratilgan ilmiy loyihalarni amalga oshirish yuzasidan strategik sherikchilik masalalari o‘rtaga tashlandi.Ta’kidlash kerakki, Xalqaro Markaziy Osiyo tadqiqotlari instituti 1995 yil 5 iyulda YuNESKOning keng ko‘lamli Ipak yo‘li loyihasi natijasida tashkil etilgan. Institutni yaratish g‘oyasi madaniy rivojlanish o‘n yilligining asosiy loyihasi - "Ipak yo‘lini har tomonlama o‘rganish - muloqot yo‘li" loyihasi doirasida tashkil etilgan. Rasmiy tashkil etilgandan so‘ng, YuNESKO Bosh direktori janob Federiko Mayor 1995 yil 27 avgustda Samarqandda (O‘zbekiston) institutni ochdi.Dastlab institutni tashkil etish to‘g‘risidagi Bitimni Ozarbayjon, Eron, Qozog‘iston, Xitoy, Koreya, Qirg‘iziston, Pokiston, Tojikiston, Turkiya va O‘zbekiston imzoladilar. Mo‘g‘uliston institutga 2020 yilda qo‘shilgan.Xalqaro Markaziy Osiyo tadqiqotlari institutning asosiy maqsadi dunyo hamjamiyatining e’tiborini Markaziy Osiyoning tarixiy va madaniy rivojlanishi muammolarini hal etishga jalb qilish va mintaqani ko‘p tarmoqli o‘rganish orqali mahalliy olimlar va ularning xorijdagi ekspertlari o‘rtasidagi hamkorlikni kuchaytirishdan iborat.BuxDU Matbuot xizmati
