2020 – yilning 4-iyun kuni Buxoro davlat universiteti Kengashining 2019-2020 oʼquv yili 10-yigʼilishi boʼlib oʼtdi. Undan Buxoro davlat universiteti rektori Obidjon Xamidov, oʼquv ishlari boʼyicha prorektor M.I. Daminov, ilmiy ishlar va innovatsiyalar boʼyicha prorektor O.S.Qahhorov, xalqaro hamkorlik boʼyicha prorektor А.T. Joʼraev, yoshlar bilan ishlash boʼyicha prorektor А.M. Kadirov, moliya va iqtisod ishlari boʼyicha prorektor Oʼ.U. Rashidov, BuxDU kengash kotibi S.S. Xudoyev, O'quv uslubiy boshqarma boshlig'i R.Jumayev, TSNQB boshlig'i M.Ya.Ergashov, fakultet dekanlari, kafedra mudirlari va boʼlim boshliqlari qatnashdilar.Kun tartibida belgilangan vazifalar boʼyicha universitet rektori Obidjon Xamidov universitet jamoasi 2020 yil “Ilm, maʼrifat va raqamli iqtisodiyotni rivojlantirish yili”da amalga oshirishga oid Davlat dasturi ijrosi toʼgʼrisida hamda falsafa doktori (PhD) ilmiy darajasini, professorlik va dotsentlik ilmiy unvonini olgan pedagog xodimlarni taqdirladilar.Kengash davomida universitet oʼquv ishlari boʼyicha prorektor M.I. Daminov 2019-2020 oʼquv yili ikkinchi semestrida talabalar bilimini joriy va oraliq baholash sifatining tahlili va yakuniy baholashga tayyorgarlik hamda yangi 2020-2021 oʼquv yiliga tayyorgarlik toʼgʼrisida maʼlumot berdilar.Oʼquv uslubiy boshqarma boshligʼi R.Jumaev Аxborot resurs markazining bakalavriat taʼlim yoʼnalishlari va magistratura mutaxassisliklari boʼyicha oʼquv adabiyotlari bilan taʼminlanganlik holati hamda YADА jarayoni toʼgʼrisida maʼlumot berdilar. Shuningdek, BuxDU ilmiy ishlar va innovatsiyalar boʼyicha prorektori O.S. Qahhorov BuxDUda asosiy shtatda ilmiy, ilmiy-pedagogik va mehnat faoliyati bilan shugʼullanayotgan ilmiy darajaga ega xodimlarga 1030-PQ ijrosi boʼyicha qoʼshimcha haq toʼlashga doir ishchi guruh xulosasi hamda ilmiy darajaga ega pedagogik-xodimlarning dotsent yoki professor unvonini olishlarini tashkil etish va ilmiy darajaga ega xodimlarning SCOPUS maʼlumotlar bazasida nashr ettirgan maqolalari toʼgʼrisida kengash aʼzolariga batafsil maʼlumotlarni taqdim etdilar. Kengashda shuningdek, А.M. Kadirov, А.T. Joʼraev, B.I. Аdizov, S.S. Xudoyev, N.S. Karimovalar maʼruzalari tinglandi.Yigʼilish davomida kun tartibiga kiritilgan birinchi masala yuzasidan universitet professor-oʼqituvchilarining masofaviy taʼlim platformasidan foydalanish holati muhokama qilindi. Shundan soʼng, universitet kafedralarida mavjud vakant (kafedra mudiri, professor, dotsent, katta oʼqituvchi, oʼqituvchi, oʼqituvchi-stajyor) oʼrinlari uchun tanlov oʼtkazilib, nomzodlar saylandi.BuxDU Matbuot xizmati
