Oʼzbek musiqa madaniyatining atoqli arbobi, Shashmaqom ijrosining bilimdoni, Ota Jalol Nosirov xotirasiga bagʼishlab Buxoro davlat universiteti sanatshunoslik fakulteti tashabbusi bilan talabalar oʼrtasida "Eng yaxshi maqom ijrochisi" koʼrik-tanlovi oʼtkazilgan edi.Baholash jarayonida maqom namunalarining asl milliy xususiyatlari, asarning badiiy va estetik maʼno mazmuni, ijrochilarning ijro mahorati, sahna madaniyati asosiy meʼzon etib hisoblandi. Tanlovda ishtirok etish istagini bildirgan 100 ga yaqin yoshlar oʼrtasida eng munosiblari saralandi. Bugun esa tanlov gʼoliblarini taqdirlash marosimi boʼlib oʼtdi. Fakultetning talabasi Umriya Xoliqova 2-oʼrin, Maftuna Davronova va Аsadbek Haydarovlar toʼplangan ballari bir xil boʼlganligi sababli 1-oʼrinni egallashdi. 2 ta birinchi oʼrin sohiblariga Diplom hamda 400 ming soʼmdan pul mukofoti, 2 oʼrin sohibasiga esa diplom va 200 ming soʼm miqdoridagi pul mukofotlari berildi. Taqdirlash marosimi BuxDU kichik yigʼinlar zalida boʼlib oʼtdi.Buxoro davlat universiteti Matbuot xizmati
