Kelajak avlodni har tomonlama barkamol, yetuk va salohiyatli kadrlar qilib voyaga yetishishida huquqiy madaniyatni shakllantirish, ularning jamiyatdagi o‘rnini yanada yuksaltirish, ona Vatanga sadoqat ruhida tarbiyalash, bugungi rivojlangan jamiyatda o‘z o‘rni va so‘zini ayta oladigan mard, jasur bo‘lib voyaga yetishlarida munosib sharoitlar yaratib berish asosiy vazifamizdir.Shu munosabat bilan Buxoro viloyati Xalq deputati Obidjon Xamidov tomonidan yana bir xayrli ishga qo’l urildi. Buxoro viloyati Olot tumanida istiqomat qiladigan iste’dodli yosh Madinaxonning xonadonlariga tashrif buyurildi. Deputat iste’dodli Madinaxon bilan shaxsan uchrashib, ularning kelajakdagi maqsadlari, qiziqish va orzulari haqida suhbat qurdilar. Shuningdek, yurtimizda e'lon qilingan karantin davrida ularning bo'sh vaqtini mazmunli va foydali tashkil etish maqsadida til, fan, adabiyot mavzularini mujassamlashtirgan 50 dan ortiq kitoblar jamlanmasi hamda birinchi ehtiyoj uchun mo'ljallangan oziq-ovqat mahsulotlarini taqdim etdilar. Yosh iste’dodli qizimiz karantin paytida bo’sh vaqtini kitob mutolaasi hamda o’qishga kirish uchun mo’ljallangan testlarni yechib kelmoqda. 2020 o’quv yili qabuliga oz vaqt qolganligi sababli Madinaning biologiya hamda ona tili fanlaridan vazifalarni bajarishda Obidjon Xamidov tomonidan Buxoro davlat universitetidan biologiya hamda ona tili fanlari bo’yicha Madinaga yordamlashadigan o’qituvchilar biriktirildi.O.X. Xamidov Madinaga ko'proq o'z ustida ishlashi kerakligi, hech qachon bilim olishdan to'xtamasligi kerakligini maslahat berdilar. Buxoro davlat universiteti Matbuot xizmati
