O`zbekiston Respublikasi Prezidenti Administratsiyasining 2019 yil 7 noyabrdagi 25445-xh-sonli topshiriq xati bilan yuborilgan "2019-2020 o`quv yilida oliy ta`lim muassalarida ijtimoiy-ma`naviy muhitni yanada sog`lomlashtirish maqsadida "Marifatli yoshlar yurt ko`zgusi" shiori ostida turkum ma`naviy-ma`rifiy tadbirlarni o`tkazish bo`yicha na`munaviy "yo`l xaritasi" hamda Oliy va o`rta maxsus ta`lim vazirligining tegishli qaroriga binoan Respublika miqyosida "BIZ NECHUN SEVAMIZ, O`ZBEKISTONNI" mavzusida universitet talaba-yoshlari o`rtasida hikoyalar tanlovi o`tkazilishi rejalashtirilgan.Tanlov bosqichlari va sanalari:- Fakultet bosqichi - joriy yilning 22 iyun qadar bo`lib o`tadi.- Universitet bosqichi - joriy yilning 25 iyun qadar bo`lib o`tadi. Mazkur tanlovning asosiy maqsadi - talaba-yoshlar qalbida vatanparvarlik, yurt kelajagi va mamlakat taraqqiyoti yo`lida amalga oshirilgan islohotlar va erishilayotgan ulkan zafarlarga daxldorlik hissini oshirishdan iboratdir. Mazkur tanlovning universitet bosqichi g`oliblari maxsus diplom va qimmatbaho sovg`alar bilan taqdirlanadi. Tanlovda faol ishtirok etgan talabalar fakultetning faxriy yorliqlari bilan taqdirlanadi. Tanlov tafsilotlari va g`olib bo`lgan ishtirokchilarni yaqin orada saytimiz va ijtimoiy tarmoqlardagi sahifalarimizda yoritib boramiz. BuxDU Matbuot xizmati xodimi Javohir Saidov
