2020-yilning 6-may kuni Buxoro davlat universiteti oʼqituvchilari Qorakoʼl tumani Doʼstlik MFYdagi 40 dan ortiq kam taʼminlangan oilalarga kundalik ehtiyoj uchun kerak boʼlgan oziq-ovqat mahsulotlari, sanitariya-gigiena vositalari yetkazishdi. Professor-oʼqituvchilar jamoasi tomonidan un, kartoshka, sabzi, piyoz, makaron mahsulotlari, shakar, choy, osh tuzi, bir martalik maskalar va boshqa mahsulotlarni universitet jamoasi nomidan yetkazishdi. Shuningdek, tashrif davomida Psixologiya kafedrasi professor o‘qituvchilari E.M.Muxtorov, L.Ya.Olimov, U.M.Ro‘ziyevlar tabiiy ofatdan zarar ko‘rgan Qorako‘l tumanidagi aholi orasidan psixologik yordamga muhtoj fuqarolar bilan uchrashishdi. Ofatdan so‘ng salbiy ruhiy holat (qo‘rquv, vahima, depressiya va boshqa)ga tushib qolgan har bir shaxs bilan individual suhbat o‘tkazishdi. Ulardagi mavjud salbiy kechinmalarni bartaraf etish uchun psixokorreksion va psixologik maslahat ishlarini olib bordi. Bunday ijtimoiy psixologik tadbirlar davom ettiriladi.BuxDU matbuot xizmati