26-iyun kuni Buxoro davlat universitetiga O‘zbekistonning Isroildagi favqulodda va muxtor elchisi Feruza Mahmudova tashrif buyurdi. Yaqin kunlar ichida o‘z xizmat vazifasini bajarish uchun Isroilga jo‘nab ketadigan F.Mahmudova safar oldidan Buxoro viloyati OTMlari bilan tanishish uchun kelganligini, ikki mamlakat o‘rtasida ilm-fan sohasidagi hamkorlikni kuchaytirish uning asosiy maqsadlaridan biri ekanligini maʼlum qildi.Yuksak martabali mehmonni xalqaro hamkorlik bo‘yicha prorektor A.Jo‘rayev kutib oldi. Mehmonga Buxoro davlat universiteti haqida asosiy maʼlumotlar berildi, qo‘shma taʼlim dasturlari, universitetda yaratilgan shart-sharoitlar bilan tanishtirildi.Kichik majlislar zalida bo‘lib o‘tgan uchrashuvda viloyat OTMlari rektorlari qatorida masofaviy tarzda Isroilning Xolon texnologiya instituti rektori E.Yakubov, O‘zbekistonning Isroildagi elchixonasi vakili M.Ibodullayevlar ham ishtirok etishdi. Uchrashuvda Buxoro viloyati OTMlari bilan Isroil OTMlari o‘rtasidagi hamkorlikning ustivor yo‘nalishlari muhokama qilindi. Tashrif so‘ngida elchi F.Mahmudova tomonidan universitetning faxriy mehmonlari kitobida jamoaga yo‘naltirilgan tilaklar yozib qoldirildi.
