2020-yilning 24-iyul kuni "2020/2021 o'quv yilidan kredit-modul tizimi asosida ta'lim jarayonini tashkil etish" mavzusida online seminar tashkil etildi. Ushbu online seminar Zoom platformasi orqali amalga oshirilib unda Buxoro davlat universiteti rektori O.X.Xamidov hamda respublika OTMlaridan TATU, Kredit tizimini joriy etish bo'limi boshlig'i U.Karimov, TDPU, o'quv meyoriy hujjatlarni takomillashtirish bo'limi boshlig'i A.Xo'jayev, shuningdek 400 dan ortiq BuxDU professor-o'qituvchilari hamda prorektorlari, bo'lim boshliqlari ishtirok etishdi. Dastlab online seminarni Buxoro davlat universiteti rektori Obidjon Xamidov kirish so'zi bilan boshlab berib Buxoro davlat universiteti 2020/2021 o'quv yilidan boshlab Buxoro davlat universiteti kredit-modul tizimiga o'tishini ta'kidlab o'tdi. Toshkent Axborot texnologiyalari universiteti kredit tizimini joriy etish bo'limi boshlig'i U.Karimov "Kredit-modul tizimi asosida ta'lim jarayonini tashkil etish" mavzusida seminar ishtirokchilariga ma'lumot berdi. Online seminarda universitet professor-o'qituvchilaridan ko'plab savollar berilib ularga tegishli javoblar olindi. Shuningdek universitet professor-o'qituvchilariga BuxDU O'quv uslubiy boshqarma boshlig'i Jumayev Rustam G'aniyevich kredit-modul tizimi asosida ta'lim jarayonini tashkil etishda yuzaga keladigan vaziyatlar bo'yicha savollarga javob berdilar. BuxDU Matbuot xizmati
