Kuni kecha Buxoro davlat universiteti Boshlang‘ich ta'lim nazariyasi kafedrasi tomonidan ''Boshlang‘ich sinf o‘quvchilari bilimini baholashda xalqaro tajribalardan foydalanish: muammo va yechimlar'' mavzusida konferensiya bo‘lib o‘tdi. Konferensiyani BuxDU ilmiy ishlar va innovatsiyalar bo‘yicha prorektori O.S. Qahhorov kirish so‘zi bilan ochib berdi. Mazkur konferensiyada xalqaro baholash dasturlari PIZA, PIRLS, TIMESS, EGRA, EGMA kabi o‘quvchilar bilimini baholovchi mezonlarning ahamiyati, ularning O‘zbekiston ta'lim tizimiga targ‘ib qilish haqida fikr yuritildi. Maktab o‘qituvchilarini Xalqaro baholash dasturlari haqida savodxonligini oshirish, ularni xalqaro standartlarga mos testlar tuzish texnikasidan xabardor qilish maqsadida tashkil qilingan bu anjumanda Respublikamiz OTMlaridan va xalq ta'limi xodimlaridan mehmonlar tashrif buyurdi. Shuningdek, konferensiyada O‘zbekiston Respublikasi qonunchilik palatasi deputati, BuxDU faxriy professori T.R. Choriyev ham ishtirok etib Ta'lim tizimidagi o‘zgarishlar, ta'lim to‘g‘risidagi qonun va qarorlar to‘g‘risida, mazkur sohadagi muammolar va yechimlari to‘g‘risida so‘zladi. Toshkent davlat Pedagogika universiteti, Chirchiq davlat pedagogika universiteti, Urganch davlat Universiteti dan tashrif buyurgan mehmonlar so‘zga chiqib o‘z fikr mulohazalarini bildirdilar. Anjuman asosiy qismidan so‘ng tayanch oliygohdan kelgan mehmon professor o‘qituvchilar va Boshlang‘ich ta'lim nazariyasi kafedrasi jamoasi hamkorlik dasturlari haqida kelishuv olib borishdi. Kichik majlislar zalida tashkil etilgan -treningda Nizomiy nomidagi TDPU o‘qituvchilari taqdimotlar orqali o‘z tajribalari bilan o‘rtoqlashishdi. Tushlikdan so‘ng Nizomiy nomidagi TDPU professor-o‘qituvchilari Boshlang‘ich ta'lim va sport tarbiyaviy ish yo‘nalishi talabalarga darslar o‘tib berishdi. Anjuman taassurotlarga boy va samarali o‘tdi.Buxoro davlat universiteti Matbuot kotibi Otabek Jalolov