Bugungi kunda xotin-qizlar jamiyatimizning faol a`zosi sifatida o`zlarini har sohada sinab ko`rmoqdalar. Ular orasidan korxona, tashkilot, vaholanki viloyat rahbarlarining chiqayotganligi bu albatta quvonarli hodisadir. Shu asnoda bu kabi o`zgarishlar jamiyatimizda ayollarga xususan, ayol zotiga qaratilayotgan yuksak e`tibor va gender tenglikning na`munasidir. Ayniqsa, yosh qizlarni oilaga tayyorlash, reproduktiv salomatlik darajasini oshirish va ularni hayotda mos o`rin topishlari bugungi kunning dolzarb masalasiga aylanib borayotganligini kuzatishimiz mumkin. Yuqoridagi jumlalardan kelib chiqib, kecha Buxoro davlat universiteti faollar zalida talaba-qizlar o`rtasida “Maʼrifatli yoshlar-yurt koʼzgusi” shiori ostida « Qizlar davrasi » ko`rik tanlovi bo`lib o`tdi. Unda universitetning bir qancha fakultetlaridan saralangan, iqtidorli va mahoratga ega talaba-qizlar ishtirok etdilar. Universitet xotin qizlar kengashi hamda ma`naviyat va ma`rifat bo`limi tomonidan tashkil etilgan tanlovda talaba qizlarni qo`llab-quvvatlash uchun professor-o`qituvchilar, talabalar hamda ularning ota-onalari ishtirok etdilar. Ko`rik tanlovda har bir ishtirokchi tanlov nizomida belgilangan tanishtiruv, kitobxonlik, pazandachilik va erkin mavzu shartlari bo`yicha bellashdilar.Fakultetlardan quyida nomlari koʼrsatilgan talaba-qizlar ishtirok etishdi.Qizg`in kechgan bahslarda Maktabgacha va boshlangʼich taʼlim fakulteti talabasi Nasrullayeva Madinabonu oliy oʼrinni egallab, shahar bosqichiga ishtirok etish huquqini qoʼlga kiritdi. Fizika-matematika fakulteti talabasi Mahkamova Аnora 1- oʼrinni egalladi, Xorijiy tillar fakulteti talabasi Hayitova Nilufar 2-oʼrinni, Pedagogika fakulteti talabasi Kamarova Zarina 3-oʼrinni egalashdi. Shuningdek boshqa fakultet ishtirokchi qizlari ham universitet rektorining faxriy yorliq va qimmatbaho sovgʼalar bilan taqdirlanishdi. Ta`kidlash o`rinliki, bu kabi ko`rik-tanlovlar yoshlarning har tamonlama barkamol va iqtidorli avlod bo`lib yetishishida alohida bir maktab vazifasini o`taydi. Buxoro davlat universiteti Matbuot xizmati
