Ulug` shoir, buyuk mutafakkir, xalqparvar davlat va jamoat arbobi Mir Nizomiddin Alisher Navoiy tavalludining 574-yilligiga bag`ishlab Buxoro davlat universiteti o`zbek filologiyasi kafedrasi, ma’naviyat va ma’rifat o`limi BuxDU huzuridagi 1-son akademik litsey faollar yig`ingohida 2015 yil 6-fevral kunida adabiy-musiqaviy nafosat bayrami o`tkazildi.Filologiya fanlari nomzodi, dotsent Sh.A.Hayitov “Alisher Navoiy nasrida yoshi ulug`larga munosabat” mavzusida ma’ruza qildi. O`zbek filologiyasi kafedrasi talabalarining adabiy-musiqiy chiqishlari, buxorolik shoir T.Ahmad o`z she’rlari bilan ishtirok etgani barcha qatnashuvchilarning ko`nglini xushnud qildi.Buxoro davlat universiteti qoshidagi 4-son akademik litsey yig`ingohida 2015 yil 9-fevral kuni akademik litsey o`quvchilari ishtirokida va BuxDU o`zbek filologiyasi hamkorligida “Bu gulshan sahnida gul ko`p, chaman ko`p” mavzusida badiiy kecha va viktorina o`tkazildi. Dastur davomida Navoiy g`azallaridan parcha, Navoiy g`azallari asosida kuylangan qo`shiqlar, raqslar, shoir ijodidan ruboiy, tuyuq, qit’alardan parchalar ijro etildi. Musiqiy dasturdan tashqari, ijodkor hayoti va ijodi bo`yicha viktorina o`tkazildi. Viktorinada litsey o`quvchilari faol ishtirok etdi. Tadbirni filologiya fanlari nomzodi, dotsent D.H.Quvvatova o`z ma’ruzasi bilan yakunladi.2015 yil 3 fevral kuni Buxoro davlat universiteti Buxoro viloyat xalq ta’limi boshqarmasi Shofirkon tuman hokimligi Xalq ta’limi muassasalarini metodik ta’minlash va tashkil etish bo`limiga qarashli 4-umumta’lim maktabida Alisher Navoiy tavalludining 574 yilligi munosabati bilan Buxoro davlat universiteti va viloyat XTB bilan hamkorlikda “Alisher Navoiy ijodi va o`zbek adabiy tili” mavzusida “Mahorat maktabi” o`tkazildi. Mahorat darslari festivali (festivalda ona tili va adabiyot darslari bo`yicha ma’lum mavzular asosida ma’ruzalar qilindi); SHu bilan birga “Alisher Navoiy o`zbek adabiy tili” mavzusidagi tadbir o`tkazildi. Unda Navoiy qit’alari talqini bo`yicha filologiya fanlari doktori, professor, o`zbek filologiyasi kafedrasi mudiri Ahmedova SHoira Ne’matovna, Navoiy shohbaytlari bo`yicha Filologiya fanlari nomzodi, dotsent Rajabov Dilshod Zaripovich o`z ma’ruzalari bilan ishtirok etishdi. Maktabning “Yosh g`azalxonlar” va “Yosh xamsaxonlar” guruhi a’zolari buyuk ijodkorning asarlaridan parchalar ijro etdilar.2015 yil 9 fevral kuni ulug` shoir A.Navoiy tavalludiga bag`ishlab Iqtisodiyot kafedrasi a’zolari, xususan, kafedra mudiri dotsent Mahmud Oripov tashabbusi bilan “Navoiyxonlik” davra suhbati o`tkazildi. Unda o`zbek filologiyasi kafedrasi professori, f.f.d. D.S.O`rayeva “Hamsa”da inson umri mohiyatining talqini” mavzusida nutq so`zladi. Alisher Navoiy asarlarining tarbiyaviy qirralari xususida, ular inson ma’naviyatining asoslari haqida she’riy misollar bilan so`z yuritdi. Tadbirda Iqtisodiyot kafedrasi a’zolari va shu yo`nalishda tahsil olayotgan talabalar ishtirok etdi. Tadbir Politexnika kollejining kutubxona zalida bo`lib o`tdi.
