Buxoro davlat universiteti “Servis sohasi iqtisodiyoti” kafedrasi professor-o`qituvchilari tashabbusi bilan restoran sohasida faoliyat yuritayotgan xizmat ko`rsatuvchi personallarning malakasini oshirish va bu orqali yurtimizda turistik xizmatlar sifatini oshirib, xorijiy sayyohlar oqimini ko`paytirishda o`z hisssasini qo`shish, hamda oliy ta`lim muassasasi va boshqa tashkilotlar o`rtasida tuzilgan xo`jalik shartnomalar orqali ilmiy-amaliy xizmatlar ko`rsatish tashkil etildi.2020-yilning 17-fevraldan 24-fevralga qadar Buxoro Davlat Universiteti “Servis sohasi iqtisodiyoti” kafedrasida “Turizmda Professional servis” kurslari tashkil etilgan. Kursning asosiy dasturi mehmondo`stlik sanoati tashkilotlarida faoliyat yuritayotgan xodimlarning sohaga oid bilim, ko`nikma va malakalarini oshirish maqsadiga qaratilgan.Darslar ikki usulda ya`ni, nazariy hamda amaliy tarzda olib boriladi. Nazariy bilimlar servisning fundamental asoslari, xorijning ilg`or tajribalarini qo`llagan holda zamonaviy ped-texnologiyalar bilan jihozlangan auditoriyada “Servis sohasi iqtisodiyoti” kafedrasi o`qituvchisi Shahlo Sharifova tomonidan o`tildi.Amaliy mashg`ulotlar dunyoning ilg`or mehmonxona va restoranlarida 10 yildan ziyod tajribaga ega bo`lgan, sohaning nazariy va amaliy jihatlarini o`zida mujassamlashtira olgan kafedra o`qituvchisi Habib Ziyavitdinov servis anjomlari bilan jihozlangan amaliy mashg`ulot xonasi hamda Buxoro shahrining “Grand Bukhara Palace” singari eng nufuzli mehmondo`stlik tashkilotlaridan bo`lmish mehmonxonalarida o`tkazildi.Kursda 35 nafar sohada faoliyat yuritayotgan hamda kelajakda turizm va mehmondo`stlik sohasida faoliyat ko`rsatishni rejalashtirgan, hamda oliy servis madaniyatini o`zlashtirishni istagan yoshlar tahsil olishdi.Kurs yakunida tinglovchilarga nazariy va amaliy bilim va ko`nikmalaridan nazoratlar qabul qilinib, undan muvaffaqiyatli o`tganlar sertifikatlar bilan taqdirlanadilar.Buxoro davlat universiteti Matbuot kotibi Otabek Jalolov