Kuni kecha Buxoro davlat universitetida turli mutaxassisliklar bo`yicha malakaviy imtihonlar bo`lib o`tdi. Imtihon jarayonlarining ochilish marosimida universitet ilmiy ishlar va innovatsiyalar bo`yicha prorektori O.S. Qahhorov so`zga chiqib bu kabi imtihonlarning universitetimiz tarixida ilk marotaba kuzatilayotganligi, biz bundan oqilona foydalanishimiz kerakligi haqida so`zlab, universitetimiz rahbariyati tomonidan yaratib berilgan shart-sharoitlarga minnatdorchilik bildirdi. Prorektor o`z so`zi davomida kelgusida ham ilmiy faoliyat bo`yicha yanada ko`proq sharoitlar yaratilib, boshqa bir qator fanlar bo`yicha ham mutaxassislik imtihonlarining o`zimizda tashkil etilishi xususida to`xtalib, imtihon qatnashchilariga omad va kelgusi ilmiy faoliyatlariga zafarlar tiladi. Shundan so`ng, imtihon qatnashchilariga imtihonni tashkil etadigan kommisiya raisi, komissiya a`zolari, ilmiy kotiblar tanishtirilib imtihon jarayonlarining boshlanishiga ruxsat berildi. Imtihonda turli mutaxassisliklar bo`yicha tayanch dokorant, mutaqil izlanuvchi va stajyor tadqiqotchilar sinovdan o`tdilar. BuxDU Matbuot xizmati xodimi Javohir Saidov
