Kuni kecha Buxoro davlat universiteti Xorijiy tillar fakulteti Ingliz adabiyoti kafedrasi tomonidantalabalar turar joyidagi talabalarning vaqtini mazmunli o`tkazish maqsadida Boburxonlik kechasi o`tkazildi. Kechada Ingliz adabiyoti kafedrasi o’qituvchisi M.A. Baxronova so’zga chiqib shoh va shoir Zahiriddin Muhammad Boburning tavallud ayyomi respublikamizda keng nishonlanishi, xususan, talaba yoshlar shoir adabiy merosidan bahramand bo’lishlari nafaqat kasbiy balki ma’naviy-axloqiy yuksalishda ham ahmiyatli ekanligini aytib o’tdilar. M.I. Muxtorova so`zga chiqib, talabalar bo’sh vaqtini behuda sarflamasdan ko’p kitoblar o’qishi, turli madaniy-ma’rifiy tadbirlarda ishtirok etishi lozimligini ta’kidladilar. Shundan so’ng 1- kurs talabalari ishtirokida ma’naviy-ma’rifiy tadbir o’tkazildi, tadbir bellashuv tarzida bo’lib talabalar 2 guruhga bo’linib quyidagi shartlar asosida bellashishdi:1-shart: tanishtiruv bo’lib, har bir guruh o’zini tanishtiradi hamda guruhdagi rassomchilikka qiziqqan talabalar tadbir so’ngiga qadar Z.M. Bobur siymosini qog’ozda gavdalantirishdi hamda baholandi, 2-shart: zinama zina bo’lib, bunda talabalar birma bir Bobur haqida ma’lumotlar aytishdi. 3-shart: video rolik yoki prezentatsiya bo’lib video rolik hamda slaydlar namoyish qilindi, 3-shart: Bahru-bayt sharti bo’lib bunda guruhlar Bobur va Navoiy ijodidan g’azal, ruboiy, tuyuqlar aytishdi. Barcha shartlar TTJ 5-bino tarbiyachisi hamda Yoshlar Ittifoqi a’zosi Mirzayeva Marjona tomonidan baholanib borildi. Bellashuv juda qiziqarli va mazmunli o’tdi, do’stlik g’alaba qozondi.
