Kuni kecha Buxoro davlat universiteti bosh yig`ingohida O`zbekiston yoshlar ittifoqi universitet Boshlang`ich tashkiloti tomonidan Ittifoq tizimida o`zining faolligini ko`rsatgan va o`zlashtirish darajasi bo`yicha “A`lo” natijani qayd etgan bir guruh talaba-yoshlar taqdirlandilar.Taqdirlash marosimini Buxoro davlat universiteti rektori O.X. Xamidov tabrik so`z bilan boshlab berdilar. Universitet rektori o`z so`zi davomida muhtaram Prezidentimizning yoshlarga qaratilayotgan e`tiborlari, hozirgi kunda universitet talabalarning turli yo`nalishlarda yutuqlarga ega bo`layotganliklari, shuningdek, universitet talabalari uchun viloyat hokimi stipendiyasining joriy etilganligini to’g’risida gapirib o’tdilar.Shundan so`ng, har tomonlama faol va bilim ko`rsatkichi yuqori bo`lgan bir qator yoshlarning ota-onalari universitet rektori, o`quv ishlari bo`yicha prorektori M.I. Daminov, universitet xotin-qizlar qo`mitasi raisi O.Adizova, kasaba uyushmasi raisi S.Q.Qahhorov tomonidan tashakkurnoma va gullar bilan taqdirlandilar.Iqtidorli talabalar tomonidan tayyorlangan kuy-qo`shiq, raqs va "Chempionlar" jamoasi chiqishlari davradagi barchaga xush kayfiyat taqdim etdi. Ta`kidlash o`rinliki, rag`batlanishning har bir sohada bo`lishi yanada izlanish va o`z ustida yanada ko`proq ishlashga, e`tirofga sazovor bo`lishga undaydi.Bugungi kunda O`zbekiston kelajagi hisoblangan yoshlar o`z so`ziga ega, har tomonlama bilim va salohiyatli, ijtimoiy jihatdan faol bo`lib kamol topmoqda. Bu kabi qilinayotgan ishlar esa yoshlarga yanada ko`p shijoat va intilishga undaydi. Zero, bugunimiz va ertamizning ishonchi hisoblangan yoshlar yurtimizning buyuk taqdiriga munosib hissa qo`sha oladi. Ushbu tadbirni tashkillashtirishda O`zbekiston yoshlar ittifoqi universitet Boshlang`ich tashkiloti yetakchisi O.S. Sobirov hamda barcha tashkilotchilarga minnatdorchiligimizni bildiramiz. Buxoro davlat universiteti Matbuot kotibi Otabek Jalolov