2020-yilning 28-fevral kuni Buxoro davlat universiteti Iqtisodiyot va turizm fakulteti o’qituvchisi H.H. Ziyavetdinov tomonidan Buxoro “Ark” muzey qo’riqxonasida “Buxoroda turizm salohiyati va istiqbollari” mavzusida seminar-trening o’tkazildi. Seminar-treningda fakultet talabalari, muzey-qo’riqxonasi bo’lim va filiallar ilmiy xodimlari, ekskursovodlar qatnashdilar.Dastlab barchaning kayfiyatini ko’tarish maqsadida mavzuga doir musiqiy rolik namoyish etildi. Soʼng 5-6 ta Buxoro vohasii iqtisodiyotiga doir savollar berildi, maʼlum daqiqalar ichida berilgan javoblar oʼqib eshittirilgach, taqqoslanib, toʼplangan ballar asosida ilmiy xodimlarning reytingi aniqlandi. Shundan keyin slaydlar asosida Buxoro aholisidan tortib , YUNESKO qaramogʼidagi tarixiy obidalar soni (142 ta), bugungi sayyohlar uchun qurilayotgan mehmonxonalar (136 ta), restoranlar, yangi yoʼllar, istirohat bogʼlari, ularga koʼrsatilayotgan servis xizmatlari (bankomatlar, pul almashtirish shaxobchalari, turfirmalar, gidlar xizmati) raqamlar bilan maʼlumot berildi. Qiziqarlisi shu maʼlumotlar 10-20 yil oldingi maʼlumotlar bilan taqqoslandi va tahlil qilindi.Qiziqarli maʼruza nihoyasida maʼruzachi ilmiy xodimlar, muzey-koʼriqxona ekskursovodlari tomonidan berilgan barcha savollarga javob berdi.Buxoro davlat universiteti Matbuot kotibi Otabek Jalolov
