Kuni kecha Buxoro davlat universiteti Jismoniy madaniyat fakulteti o`qituvchi va talabalari Buxoro shahridagi 9-umumta`lim maktabiga tashrif buyurdilar. Tashrif davomida maktabdagi jismoniy tarbiya fanining faoliyati, o`quvchilarning sport bilan shug`ullanishiga yaratib berilgan sharoitlar o`rganib chiqildi. Shuningdek, fakultetning iqtidorli va sovrindor talabalari maktab o`quvchilari bilan olib borgan suhbat o`quvchilarning havasini keltirdi.