Buxoro davlat universiteti Fizika-matematika fakulteti Аxborot texnologiyalari kafedrasi dotsenti N. S. Sayidova Buxoro tuman 31-oʼrta ta’lim maktabda “Adobe Photoshop grafik dasturining imkoniyatlari” master-klass darsi o’tkazdi. Ushbu master-klassda Maktab direktori S.S. Joʼraev, maktab oʼquv ishlari boʼyicha direktor oʼrinbosari G. Mustafoyeva,maʼnaviyat va marifat ishlari boʼyicha direktor oʼrinbosari L. Toʼxtaeva, maktab informatika fani oʼqituvchisi H.R. Choʼliev va maktab pedagogik jamoasi hamda iqtidorli oʼquvchilar va Buxoro davlat universiteti “Аxborot texnologiyalari” kafedrasi dotsentlari N.S. Sayidova va J.J. Jumaev qatnashdilar.Master-klass darsi Buxoro tuman 31-maktab kompyuter sinfida oʼtkazildi. Buxoro davlat universiteti “Аxborot texnologiyalari” kafedrasi dotsenti N.S.Sayidova oʼrta maktab 11-sinfida dasturga kiritilgan Adobe Photoshop grafik dasturini oʼrganish jarayonida oʼqituvchi uchun qulay muhit yaratish imkoniyatlari, grafik dastur orqali rasmlarga turli filtrlarni oʼrnatish, undagi turli formatlar, kengaytmalarning farqlarini bir biridan ajratib toʼliq misollar orqali chiroyli ketma-ketlikda imkoniyatlari haqida tushunchalar berdi. Maʼlumki, darslikda dasturlar bir oz oldingi versiyalari ochib berilgan. Lekin vaqt oʼtishi bilan dasturning yangi versiyalari oʼzgarmoqda, hozirgi vaqtdagi yangi versiyasini maktab kompyuterlariga oʼrnatib berildi va unda qanday ishlash ham ketma-ketlikda tushuntirib berildi.Аna shularni eʼtiborga olib, dotsent N.S. Sayidova birinchi navbatda bu dasturni oʼrnatib berdilar va oʼrnatish ketma-ketligini tushuntirdilar. Adobe Photoshopda instrumentlar (asboblar) paneli, tasvir, qatlam, ranglar, filtrlash va animatsiyalar haqida fikrlarni berib oʼtdilar. Adobe Photoshop dasturi 1988 yil aka-uka Nollar orqali yaratilganligi tarixi ham bayon qilib berildi.Adobe Photoshopning 15 ta versiyasi va uning tasvirda koʼrsatib farqlari aytib oʼtildi. Adobe Photoshopning asosiy element sifatida piksel ekanligi va uning toʼliq bayoni ham keltirib oʼtildi. Adobe Photoshopda pipetka orqali uni tekshirib koʼrsatib berdilar. Pipetka orqali olingandan soʼng asosiy rang tanlinishi muhimligi ham alohida taʼkidlab oʼtdilar. Bundan tashqari rastrli va vektorli grafikaning bir – biridan farqlari ham batafsil misollar bilan keltirib oʼtdilar.Shundan soʼng darsga kirgan maktab oʼqituvchilari dotsent N.S. Sayidova tomonidan tashkil etilgan master-klass darsi toʼgʼrisida gapirib, oʼzlarining mulohazalarini bildirdilar. Dotsent N.S. Sayidovaning mavzuga oid tushunchalarni tahlil qilishdagi faol ishtirokini alohida taʼkidlab oʼtdilar va darsni ijobiy tashkil etilgan deb baho berdilar. Xulosa oʼrnida aytish mumkinki, bunday master-klasslarni koʼplab, tez-tez oʼtkazib turish bu taʼlim tizimida uning rivojlanishida oʼz taʼsirini berishini alohida aytishimiz mumkin.BuxDU Matbuot xizmati
