Shu yilning 26-noyabr kuni Buxoro davlat universitetida O‘zbekiston Fanlar Akademiyasi akademigi, fizik olim Muqimov Komil Muqimovich hamda Buxoro davlat universiteti tayanch doktorantlari, doktorantlari, magistrlari hamda professor-o'qituvchilari ishtirokida o'chrashuv bo'lib o'tdi. Ushbu uchrashuvni Buxoro davlat universiteti ilmiy ishlar va innovatsiyalar bo'yicha prorektor O.S. Qahhorov kirish so'zi bilan ochib berdi. Fizik olim, O‘zbekiston Fanlar Akademiyasi akademigi (2000) Muqimov Komil Muqimovich 1940.14.02 Buxoro viloyati, G‘ijduvon tumani tumanida tug'ilgan. Fizika-matematika fanlari doktori (1988), professor (1989). O‘rta Osiyo universitetida (1957-61) o‘qiganlar va Moskva universitetini tugatganlar (1964). Toshkent universitetining fizika kafedrasida o‘qituvchi, dotsent (1967-75), optika kafedrasi mudiri (1975-92), fizika fakulteti dekani (1990-92). 1992 yildan 2005 yilgacha Buxoro davlat universiteti rektori sifatida faoliyat yuritganlar. Ilmiy ishlari magnito-optika, ferro, ferrimagnitik dielektriklarda magnitooptik hodisalar va boshqalarga oid. Uning izlanishlari tufayli magnit hodisalar fizikasi sohasida yangi – “kuchli magnit maydonida nodir elementlar magnitooptikasi” ilmiy yo‘nalishi yaratildi.Uchrashuvda tayanch doktorant, doktorant hamda mustaqil izlanuvchilar bilan gaplashilib, ularni ilmiy ishlarini reja asosida olib borilayotganligi, chop etilgan maqolalari va kutilayotgan natijalar to‘g‘risida batafsil suhbatlashildi.Buxoro davlat universiteti Matbuot kotibi Otabek Jalolov
