Buxoro davlat universiteti Filolofiya fakulteti O`zbek tilshunosligi kafedrasi professori M.Abuzalova, dotsent G.Toirova, o`qituvchi Sh.Hamroyevalar maktab jamoasiga metodik yordam ko`rsatish, ta’lim maskanining kuz-qish mavsumiga tayyorgarlik holatini o`rganish maqsadida Qorako`l tumanidagi 45-umumta’lim maktabiga tashrif buyurishdi. BuxDU professor-o`qituvchilari maktab rahbariyati hamda pedagogik jamoa bilan uchrashib, maktabning shart-sharoitini o`rganishdi.O`zbekiston Respublikasi Prezidenti tomonidan ilgari surilgan 5 ta muhim tashabbus doirasida maktab kutubxonasiga badiiy va ilmiy-ommabop adabiyotlar to`plamini sovg`a qilishdi. Maktab o`quvchilari bilan o`tkazilgan suhbatda ular orasida bir necha ijodkor yoshlar borligiga guvoh bo`lishdi. Ularning ijod namunalarini ommalashtirish bo`yicha hamkorlikka kelishib olindi. Ushbu ta’lim dargohi Qorako`l tumani markazidan 30 km uzoqlikda, Respublikaning eng chekka hududida joylashgan bo`lishiga qaramay, barcha shart-sharoitlarga ega ekani kishini quvontiradi. Yangi ta’mirlangan maktabda kuz-qish mavsumiga tayyorgarlik talab darajasida. Maktab zamonaviy isitish tizimiga ega, tabiiy gaz bo`lmaganligi tufayli qozonxona ko`mir bilan ishlaydi, ko`mir zaxirasi mavjud. Buxoro davlat universiteti matbuot xizmati xodimi: Saidov Javohir