Kuni kecha Harbiy ta`lim fakultetida "Dunyoni bering bolalarga" nomli bayram tadbiri tashkil etildi. Ushbu bayram o’tkazilganligi yuzasidan kurs rahbari podpolkovnik A.Hikmatov so’z olib, O’zbekiston Respublikasi Prezidentining 5 ta tashabbus doirasidagi 1-tashabbusi, ya’ni “Teatr, musiqa hamda san’at madaniyatini rivojlantirishga” qaratilgan e’tibor hamda 3-dekabr “Xalqaro nogironlarni himoya qilish kuni” munosabati bilan Buxoro viloyati Buxoro shahridagi 123-sonli ixtisoslashtirilgan kar va zaif eshituvchilar maktab internatida Buxoro davlat universiteti harbiy ta’lim va Buxoro davlat universiteti Fizika-matematika fakultetida tahsil olayotgan Turkmaniston Respublikasi talaba qizlari hamkorligida ma’naviy-ma`rifiy tadbiri bo’lib o’tdi.Unga ko’ra Harbiy ta’lim fakulteti talabalari o’zlarining tantanavor chiqishlari hamda ko’rgazmali chiqishlari davomida yosh bolalarga vatanga bo’lgan muhabbat va harbiy kasbiga bo’lgan qiziqishni yanada kuchaytirgani alohida e’tiborga sazovor. Bulardan tashqari turkmanistonlik talaba qizlarning jonli ijrodagi qo’shiqlari yig’ilganlar qalibidan joy egalladi, shu bilan bir qatorda tadbirga o’zgacha shukuh bag’ishladi. Hammamizga ma’lumki O’zbekistonda nafaqat nogironlarga, balki bolalarga bo’lgan e’tiborni ta’riflamasdan ilojimiz yo’q. Talaba yoshlardan tashkil topgan ushbu jamoada o’zining targ’ibotchilik va tashabbuskorligi bilan alohida o’rin egallagan talabalardan Baxtiyrov J., Ubaydov Sh, Aminjonov O, Temirov A. va Ergashev M. lar maktab o’qituvchi-murabbiylari tomonidan alohida e’tirof etildi. Kelgusida ushbu maktab internati bilan kelgusi bayram va tadbirlarda hamkorlik olib borilishi haqida kelishildi.