2019-yil 3-dekabr soat 14:00 da Buxoro davlat universiteti katta majlislar zalida Buxoro viloyat hokimligining 2019-yil 6-noyabrdagi № 3/5089-12-sonli “Viloyat hududida is gazidan fuqarolarning zaharlanishi,is gazi bilan bogʼliq sodir boʼlishi mumkin boʼlgan yongʼinlar, gaz va havo aralashmasining chaqnashi hamda boshqa noxush holatlarni oldini olish borasida amalga oshiriladigan kompleks chora-tadbirlar rejasi hamda Buxoro davlat universitetining 2019-yil 11-noyabrdagi chora-tadbir rejasi talablari ijrosi taʼminlash boʼyicha universitet professor-oʼqituvchilari va talabalari oʼrtasida “Аholi orasida is gazidan zaharlanish hamda tabiiy gazdan chaqnash holatlarining oldini olish borasida profilaktik tadbirlarni yanada kuchaytirish, ularning samaradorligini oshirish chora-tadbirlari” mavzusida seminar oʼquv mashgʼuloti oʼtkazildi.Oʼquv mashgʼulotida Buxoro viloyat IIB Yongʼin xavfsizligi boshqarmasi boʼlim boshligʼi podpolkovnik I.R. Poʼlotov va shu boshqarma matbuot guruhi katta inspektori katta leytenant M.R. Fayzullaev hamda Buxoro viloyat Favqulodda vaziyatlar boshqarmasi boʼlim boshligʼi kapitan O.А. Oʼrazbaev va shu boshqarma xodimi serjant B.P. Аdiev hamda 400 nafardan ortiq universitet professor-oʼqituvchilari, talabalari va ishchi-xizmatchilar ishtirok etdi. Oʼquv mashgʼulotini Buxoro davlat universitet Yoshlar bilan ishlash boʼyicha prorektori А.M. Kadirov ochib, kun tartibidagi masala bilan seminar oʼquv mashgʼuloti ishtirokchilarini tanishtirib oʼtdi. Oʼquv mashgʼulot rejasida koʼrsatilgan tavsiyalar bilan bir qatorda oʼz yoʼnalishlari boʼyicha maʼruza va video roliklar namoyish qilindi. Buxoro viloyat Favqulodda vaziyatlar boshqarmasi boʼlim boshligʼi kapitan Oybek Oʼrazbaev soʼzga chiqib, soʼnggi yillarda is gazi bilan zaharlanish bilan bogʼliq favqulodda vaziyatlar statistikasi, ularning kelib chiqishining asosiy sabablari hamda oldini olish borasidagi mutasaddi tashkilot va idoralarga amaldagi meʼyoriy hamda rahbarlik hujjatlarida belgilab berilgan vazifalar toʼgʼrisida axborot berib, respublikada va viloyatda is gazidan zaharlanishning oldini olishga qaratilgan profilaktik tadbirlar, ularni amalga oshirishda FVDTning tegishli xizmatlari tomonidan hamkorlikda bajariladigan ishlar toʼgʼrisida gapirib oʼtdi. Buxoro viloyat IIB Yongʼin xavfsizligi boshqarmasi boʼlim boshligʼi podpolkovnik Inoyat Poʼlotov soʼzga chiqib, viloyatda sodir boʼlayotgan yongʼinlar, elektr va issiqlik energiyasi, koʼmirdan xavfsiz va oqilona foydalanishda texnika va yongʼin xavfsizligi qoidalariga amal qilinishi hamda joylarda xizmat tomonidan rejadagi bajarilgan profilaktik tadbirlar, ularni samaradorligini oshirish maqsadida tegishli xizmatlar bilan oʼzaro hamkorlikni yoʼlga qoʼyish haqida gapirib oʼtdi. Buxoro davlat universiteti tibbiy punkti shifokori Mavluda Karimova soʼzga chiqib, is gazidan zaharlanishning turlari, yengil, oʼrtacha va ogʼir zaharlanishlar sodir boʼlishi, is gazidan zaharlanganda birinchi tibbiy yordam koʼrsatish usullari toʼgʼrisida toʼxtaldi.Seminar mashgʼuloti yakunida universitet Fuqaro va mehnat muhofazasi boʼlim boshligʼi Fatillo Boltaev oʼquv mashgʼulotiga tashrif buyurgan mutaxassislar va ishtirokchilarga minatdorchilik bildirib, ular tomonidan berilgan maʼlumotlar professor-oʼqituvchi, talabalarga qiziqarligi toʼgʼrisida aytib oʼtdi.