GULI TOIROVА, OʼZBEKISTON “АDOLАT” SOTSIАL-DEMOKRАTIK PАRTIYASI SHАHАR KENGАSHI DEPUTАTLIGIGА NOMZOD Guli Toirovaga ajdodlarimiz izidan borishni, ilm choʼqqilarini zabt etishni, ilmga homiylik qilishni, hech boʼlmaganda ilmni, olimlarni sevadigan saodatmand insonlar safidan oʼrin olishga intilgan, desak adashmaymiz.Filologiya fanlari boʼyicha falsafa doktori, dotsent sifatida oʼzbek tilshunosligining ravnaqiga oʼz ulushini qoʼshdi. Keyingi siyosiy hayotga aralashuvi davrida ham ilmga tashnaligi yoʼldosh boʼla olishiga hech shubha yoʼq. Inson hayotda oʼz oldiga aniq maqsadni qoʼyib, astoydil intilsa, niyatlari ezgu boʼlsa, barchasiga erishganidek, Guli Toirova ham saylov oldi dasturida quyidagilarni koʼzlagan:Taʼlimga investitsiya kiritish – bu kelajakka sarmoya kiritish, xalq farovonligi, davlatning raqobatdoshligini taʼminlovchi omildir. Shu bois, biz uzluksiz taʼlim tizimini muntazam takomillashtirish, sifatli taʼlim-tarbiya berish, yuqori malakali kadrlarni tayyorlash tarafdorimiz.Biz bundan keyin ham maktabgacha taʼlim muassasalari tizimini salmoqli kengaytirish va ularda bolalarning intellektual, estetik va jismoniy rivojlanishi uchun shart-sharoitlarni tubdan yaxshilash, bolalarni maktabgacha taʼlimga qamrab olishni sezilarli ravishda oshirish borasidagi saʼy-harakatlarni davom ettiramiz. Bizning kelgusi 5 yillik pirovard maqsadimiz – bolalarni maktabgacha taʼlim muassasalariga qamrab olish darajasini ikki barobarga koʼtarishdir.Shu bilan birga, maktablardagi maʼnaviy-tarbiyaviy ishlarni yangicha asosda tashkil etish, «Milliy gʼoya», «Odobnoma», «Dinlar tarixi», «Vatan tuygʼusi» kabi fanlarni birlashtirgan holda, yagona – «Tarbiya» fanini joriy qilishni qoʼllab-quvvatlaymiz. Biz maktablarga buyuk allomalar, davlat va siyosat arboblari, mashhur sarkarda ajdodlarimizning nomlarini berish tarafdorimiz.Umumiy oʼrta taʼlim sifatini tubdan yaxshilash, umumtaʼlim maktablarni haqiqiy bilim maskanlariga aylantirish, bolalar sporti hamda musiqa va sanʼat maktablarini son va sifat jihatdan yangilash, bolalarning mutolaa madaniyatini rivojlantirish masalalari ham doimiy eʼtiborimiz markazida boʼladi. Biz oʼqituvchilar huquqiy maqomini yanada koʼtarish, ularning ish haqi va ijtimoiy mavqeini oshirishga qaratilgan tashkiliy-huquqiy chora-tadbirlarni amalga oshiramiz va shu maqsadda “Oʼqituvchining maqomi toʼgʼrisida” alohida qonun qabul qilishni taklif qilamiz. Taʼlim olish va uning sifatini oshirish strategiyasini qabul qilish, amaldagi qonunlar, qarorlar, koʼrsatmalar va boshqa meʼyoriy hujjatlarni tizimlashtirgan holda, “Taʼlim toʼgʼrisidagi kodeks”ni qabul qilishni taklif qilamiz va istiqbolda butun taʼlim jarayonini muvofiqlashtiruvchi yagona huquqiy tizimni yaratamiz.Biz oliy taʼlim tizimini tubdan takomillashtirishga qaratilgan tizimli ishlarni davom ettiramiz, oliy taʼlim sohasida davlat-xususiy sheriklikni rivojlantirish, oliy taʼlim muassasalarining moddiy-texnik bazasini takomillashtirish, ularni zamonaviy oʼquv-ilmiy laboratoriyalar va axborot-kommunikatsiya texnologiyalari (АKT) bilan taʼminlash, xalqaro taʼlim standartlariga asoslangan oʼquv-uslubiy materiallar va oʼquv dasturlari, yetakchi pedagogik texnologiyalarni oʼquv jarayoniga keng joriy qilish orqali oʼquv sifatini oshirish masalalariga keng eʼtibor qaratamiz. Davlat va nodavlat oliy taʼlim muassasalari soni va samaradorligini oshirish hisobiga oliy taʼlim bilan qamrov darajasini 2030 yilga qadar 50 foizdan oshirish, oliy taʼlim muassasalari sonini yanada oshirish borasida amaliy takliflar beramiz. Shu bilan birga, oliy taʼlim muassasalarining bosqichma-bosqich oʼzini-oʼzi moliyalashtirish tartibiga oʼtishini taʼminlashga qaratilgan normativ hujjatlarni ishlab chiqamiz.Shuningdek, kamida 10 ta oliy taʼlim muassasasini xalqaro eʼtirof etilgan tashkilotlar reytingining birinchi 1000 ta oliy taʼlim muassasalari roʼyxatiga, jumladan, Oʼzbekiston Milliy universiteti va Samarqand davlat universitetini birinchi 500 ta oliy taʼlim muassasalari roʼyxatiga kiritish borasidagi chora-tadbirlar ustidan samarali va taʼsirchan parlament, deputatlik va jamoat nazoratini oʼrnatamiz.Oliy taʼlim vazirligi bilan hamkorlikda 2020 yildan har bir oliy taʼlim muassasalariga davlat buyurtmasi asosida oʼqishga qabul qilish parametrlarini belgilash bilan birga, oliy maʼlumotli kadrlarni koʼpaytirish va ular oʼrtasida raqobatni kuchaytirish, oliy maʼlumotlilar soni boʼyicha mamlakat darajasini koʼtarish maqsadida oliy oʼquv yurtlariga kirish kvotalarini bosqichma-bosqich oshirib borish (bunda oʼquv yurtlari uchun umumiy qabul kvotalarini belgilash tajribasidan voz kechish), sirtqi, kechki va masofaviy taʼlim shaklini keng joriy etish choralarini amalga oshiramiz.Bundan tashqari, pedagogika yoʼnalishidagi oliy oʼquv yurtlarini eng nufuzli taʼlim muassasalariga aylantirish, pedagoglikka moyilligi boʼlgan yoshlarni maqsadli tarbiyalab borish boʼyicha vazifalarni amalga oshirish tarafdorimiz.Hamma maqsad, umidlarimiz xalq va xalq taqdiri bilan bogʼlanadi. Har bir sohada, har bir jabhada xalqqa yoʼl ochib bera olsak, izlanish hamda intilishlarni ragʼbatlantirsak, harakatlaraga toʼsiq boʼlguvchi pardalarni olib tashlasak, adolat gʼalaba qozonadi. Zero, adolat ustun boʼlgan joyda ish yurishadi, yurtda fayzu baraka boʼladi, odamlarda mehr-oqibat kuchayadi. Аdolat bor joyda taraqqiyot boʼladi, yuksak muvaffaqiyatlarga erishiladi, – dedi suhbatdoshimiz oʼz soʼzida. BuxDU matbuot xizmati xodimi: Javohir Saidov