Xorijiy tillar fakultetida 21- oktabr Ozbekiston Respublikasi davlat tili qabul qilinganligining 30 yilligi munosabati bilan “Boqiysan, iftixorimsan, Ona tilim!” shiori ostida bayram tadbiri o'tkazildi. Tadbirga Xorijiy tillar fakulteti 11-1chi 18, 11-2chi 18, 11-3chi 18 hamda 11-4chi 18 guruhlari mezbonlik qilishdi. Dastavval Ingliz tili kafedrasi mudiri Qosimova N.F. ning bayram munosabati bilan bildirgan iliq tabrigidan so'ng guruh kuratorlari – G. P. Nazarova hamda N. R. Qurbonovalar yig'ilgan mehmonlarni bayram bilan qutlash barobarida tadbirni ochib berishdi.O'zbek millatining milliy ohanglari asosida ijro etilgan alladan so'ng, O'zbek tili haqidagi bir qator sherlar tinglandi. Bayram tadbirining ikkinchi qismida talabalari tomonidan tayyorlangan sahna ko'rinishi mehmonlar e'tiboriga havola etildi. Sahna ko'rinishi davomida O'zbek tilining zamonaviy jamiyatimizda qanchalik ajralmas o'ringa ega ekanligi ko'rsatib o'tildi. Shuningdek, tadbir davomida o'zbek milliy qo'shiqlariga monand musiqa va raqs ham taqdim etildi. Bayram dasturi yakunida yig'ilgan oqituvchilar tomonidan ozbek tilining tutgan o`rni, uning umrboqiyligi borasidagi fikrlari tinglandi.