18 noyabr - davlatimiz suverenitetining ramzlaridan biri, mustaqil Oʼzbekiston Respublikasining “Davlat bayrogʼi toʼgʼrisida”gi Qonuni qabul qilinganligining 28 yilligi butun mamlakatimizda katta tantana qilinmoqda.Аnʼanaviy bayram bu yil ham yuksak koʼtarinkilik, gʼurur va iftixor bilan nafaqat mamlakatimiz, balki dunyoning koʼpdan koʼp davlatlarida istiqomat qilayotgan vatandoshlarimiz tomonidan ham milliy bayramlardan biri sifatida keng nishonlanmoqda.Davlatimiz bayrogʼi qabul qilingan kun sharafiga harbiy otliqlar, Milliy gvardiya askarlari, bronetransportyorlar va kvadratsikllar, Oʼzbekiston Mudofaasiga koʼmaklashuvchi “Vatanparvar” tashkilotining sport texnika klublari, talabalar va sportchi yoshlar, velosportchilar ishtirokidagi marsh erta tongdan viloyat markazidagi Аrk qoʼrgʼonidan boshlanib, shaharning tarixiy qismi boʼylab, Аbu Аli ibn Sino nomli favvoralar maydonida nihoyalandi.Davlat bayroqlariga burkangan va harbiy orkestr sadolari ostida oʼtgan marsh yurtdoshlarimiz qalbida milliy gʼurur tuygʼularini uygʼotgani, qadim shahrimizga tashrif buyurgan chet ellik mehmonlar hayratini oshirgani shubhasiz.Аbu Аli ibn Sino nomli favvoralar maydonida, flagshtokda oʼrnatilgan Davlat bayrogʼi ostida toʼplanganlar-viloyat mutasaddilari, jamoatchilik vakillari, hududdagi oliy taʼlim muassasalari talabalarini viloyat hokimi, Oliy Majlis Senati aʼzosi Oʼktam Barnoev samimiy muborakbod etdi.Shuningdek, tadbirda adabiyotshunos olim, “Jahon adabiyoti” jurnali bosh muharriri Аhmadjon Meliboev soʼz olib, yigʼilganlarni davlat bayrogʼi qabul qilingan kun bilan qutladi.Davlatchiligimizning eng muhim belgilaridan biri boʼlgan bayrogʼimiz- shon-shavkatimiz, gʼurur va orimiz timsoli, Vatan yangligʼ muqaddas ekani taʼkidlandi. Unda milliy-tarixiy anʼanalarimiz, uzoq oʼtmishga borib taqaladigan boy madaniyatimiz, poklik, begʼuborlik, goʼzallik va ezgulik, donishmandlik, shon-shuhrat va sadoqat kabi buyuk fazilatlarimiz oʼz ifodasini topgani eʼtirof qilindi.Shundan soʼng viloyat “Yoshlar markazi” oldida bayramning madaniy qismi boshlandi. Harbiy orkestrlar, badiiy jamoalar va estrada xonandalari, shuningdek, taniqli shoir va yozuvchilarning chiqishlari bayramga alohida fayz bagʼishladi."Qolaversa, sana munosabati bilan joylarda madaniy-maʼrifiy tadbirlar doirasida “Davlatim bayrogʼi-mening gʼururim!” mavzusida oliy oʼquv yurtlari talabalari, kasb-hunar taʼlimi muassasalari hamda umumtaʼlim maktablari oʼquvchilari oʼrtasida insholar tanlovi tashkil etilgani ham yoshlar qalbida Vatanga muhabbat tuygʼularini qaror toptirishga xizmat qilishi bilan ahamiyatlidir" - deb yozadi Buxoro viloyati hokimligi axborot xizmati.
