2019 yilning 23 sentyabr 3-juftlik vaqtida 3-1IQT-18 va 3-2IQT-18 guruhlariga belgilangan Statistika fanidan “Statistik kuzatish uslubiyoti” mavzusidagi ma’ruza Buxoro viloyati statistika boshqarmasida sayyor dars shaklida o’tildi. Statistika fani o’qituvchisi BuxDU iqtisodiyot kafedrasi dotsenti, i.f.n. X.I. Mo’minov sayyor darsning tashkil qilinishi va nazoratini amalga oshirib, statistika boshqarmalari va ularning tumanlardagi bo’limlari vazifalari to’g’risida ma’lumot berdi.Boshqarmaning statistika faoliyatini tashkil etish va yig'ma-axborot ishlar statistikasi bo'limi boshlig’i Hamroyev Mizrob Halimovich va jismoniy va yuridik shaxslarning murojaatlari va ijro intizomi nazorati bo'limi boshlig’i Jabborov Oybek Orifovichlar statistika boshqarmasi va uning tumanlardagi bo’limlari faoliyati bo’yicha ma’lumot berdilar. Shuningdek, mutaxassislar talabalarni boshqarmaning bo’limlari bilan yaqindan tanishtirib, viloyat ijtimoiy-iqtisodiy hayotida statistika boshqarmasi faoliyatining o’rni haqida fikrlar bildirdilar. Sayyor darsning yuqori mazmunda o’tganligi talabalar ongida statistika haqida fikrlar, statistik kuzatuvning mazmuni uzoq vaqt saqlanishini ta’minlaydi.
