2019-yilning 29-aprel kuni Buxoro davlat universitetiga Malayziyaning Fan bilimlari universiteti rektori, kimyo fanlari doktori, professor Musa Ahmad tashrif buyurdi. Tashrifdan asosiy maqsad universitetlar o'rtasida o'zaro hamkorlikni rivojlantirish orqali kelgusida qo'shma dasturlarni tashkil etish.Tashrif davomida rektor Musa Ahmadni Buxoro davlat universiteti rektori O.X. Xamidov kutib oldi. Uchrashuvlar jarayonida ikkala OTMlari rahbarlari tomonidan ta'limning barcha jabhalarida xususan talabalar va professor-o'qituvchilar almashinuvini yo'lga qo'yish, ilmiy hamkorlikni olib borish kabi keng imkoniyatlarga ega ekanligi ta'kidlab o'tildi. Rektor MUSA AHMAD tashrif bilan bir qatorda universitetning Kimyo kafedrasi magistr va doktorantlariga bir hafta muddatda dars berish, seminarlar va mahorat darslarini olib borish taklifini bildirdi. Musa Ahmadning tashrifi davom etmoqda.
