2019-yil 12-iyul kuni Buxoro davlat universiteti faollar yig`ingohida "El-yurt umidi" jamg`armasi direktori Bekmurodov Adxam Sharipovich hamda viloyat OTMlari rahbarlari, professor-o`qituvchilari ishtirokida yig`ilish bo`lib o`tdi. Shuningdek, yig`ilishda Viloyat hokimining o`rinbosari J.Sh. Nosirov ishtirok etdi. Yig`ilishda chet ellarda faoliyat ko‘rsatayotgan salohiyatli vatandosh olimlar, mutaxassislar va ekspertlarni O‘zbekistonda amalga oshirilayotgan keng qamrovli islohotlarga faol jalb etishga, shuningdek, iqtidorli yoshlarning rivojlangan mamlakatlarda ta’lim olishi, yetakchi xalqaro institutlar va xorijiy tashkilotlarda malaka oshirishiga ko‘maklashish masalalari tog`risida gapirildi.*"El-yurt umidi" jamg`armasi direktori A.Sh. Bekmurodov shu yilning 10-iyun kuni ham tashrif buyurgan edi. Bugungi tashrifdan maqsad viloyat OTMlari juda kam sonli professor-o`qituvchilar tomonidan yetakchi xalqaro institutlar va xorijiy tashkilotlarda malaka oshirishga hujjatlar topshirilganligi sababli yana bir bor targ`ibot-tashviqot ishlari yuzasidan professor-o'qituvchilar bilan suhbat o'tkazdi. Suhbatda professor-o`qituvchilarni hujjatlarni topshirishda qanday muammollar qiynayotganligi yuzasidan savol-javob asosida tegishli yo`riqnomalar berildi.