“Alisher Navoiy va Uilyam Shekspir ijodiga bir nazar” Jahon adabiyotida buyuk siymolar unchalik ko‘p emas. Agar insoniyat badiiy tarixida o‘tgan chinakam daho so‘z san’atkorlarini birma-bir sanab chiqsak, ikki qo‘limizdagi barmoqlarning ba’zilari ikkinchi marta ochilmaydi. Biroq ana shu san’atkor daholar ichida ham barcha davr kishilarini hayratga soluvchi so‘z daholari undan ham kamroq, ana shunday daholar safida Navoiy va Shekspirning o‘rni alohida. Zero, ular barcha zamonlarning chinakam so‘z daholari bo‘lib qolaveradi. Mazkur ijodkorlarda juda ko‘p mushtarak jihatlar borki, bu jihatlar Navoiy siymosini G‘arbning ulug‘ shoirlari ichida yana ham ulug‘lashtirib qo‘yadi. Buyuk nemis shoiri Iohann Volfgang Gyote ta’riflaganidek, “Shekspir bepoyon” — uning merosi, mana, to‘rt asrdirki dunyo xalqlarini o‘ziga rom qilib kelmoqda. Shekspir dunyo ahliga eng avvalo dramaturg sifatida ma’lum bo‘lsada,uning sonetlari jahon she’riyatining eng yorqin va betakror asarlari xazinasidan munosib o‘rnini topgan. Taniqli ingliz shoiri Uilyam Vordsvort “Sonetlar Shekspir dil qulfini ochguvchi kalitdir”, deb yozganida ming karra haq edi. Buxoro davlat universiteti Xorijiy tillar fakulteti Chet tili va adabiyoti (ingliz) ta’lim yo’nalishi 4-bosqich talabalari bu ikki zabardast yozuvchilar merosini o’rganish va o’rgatish baxtiga muyassar bo’lgan yoshlardandir. Pedagogik amaliyot davrida Buxoro shahridagi 23-o’rta maktab 9-sinf o’quvchilari qalbida Navoiy va Shekspir ijodiga mehr uyg’ota olgan talabalar 2019-yil 10-aprel kuni Buxoro davlat univeristeti talabalar turar joyida “Alisher Navoiy va Uilyam Shekspir ijodiga bir nazar” nomli ma’naviy-ma’rifiy tadbirini tashkil etdilar va talabalar turar joyida yashayotgan talabalarning bo’sh vaqtlarini bekor o’tkazmasligiga ko’makchi bo’lishdi. Tadbir davomida talabalar va o’quvchilar Alisher Navoiy g’azallaridan, Shekspir sonnetlaridan aytishdi, qo’shiqlar kuylashdi va turli sahna ko’rinishlari orqali bu ikki yozuvchi ijodi namunalari bilan talabalarni tanishtirishdi. Tadbirni tashkil etishda Xorijiy tillar fakulteti yoshlar bilan ishlash bo’yicha dekan muovini A.Jumayev, Ingliz adabiyoti kafedrasi o’qituvchilari M.B.Ahmedova, N.L.Odinayeva, Sh.Ch.Quvvatovalar bosh-qosh bo`lishdi.Mannon OtaboyBuxDU matbuot kotibi
