2019-yil 13-fevral kuni Romitan tuman 2-umumta’lim maktabida “fevral oyi – matematika va informatika fanlari oyligi” dasturi doirasida “Aniq fanlar bilan yuksaklik sari” mavzusida amaliy seminar bo‘lib o‘tdi. Seminar ishida maktab jamoasi bilan bir qatorda Buxoro davlat universiteti Matematika kafedrasi professor-o‘qituvchilaridan f.-m.f.n., dots. T.Rasulov, tayanch doktorant E.Dilmurodov, o‘qituvchi Z.Bozorovlar ham ishtirok etdilar. Seminar ochiq darslar festivali bilan boshlandi. E.Dilmurodov 11-A sinf o‘quvchilari ishtirokida “Kombinatorika masalalari” mavzusida master-klass mashg‘uloti o‘tkazdi.So‘ngra maktabda faoliyat yuritayotgan to‘garak rahbarlari tomonidan tayyorlangan “Murakkablik mujassam matematika” mavzusida tadbir o‘tkazildi. T.Rasulov iqtidorli o‘quvchilar ishtirokida “Matematikani ingliz tilida o‘rganamiz” mavzusida master-klass mashg‘uloti o‘tkazib, o‘quvchilarda ilm-fanga qiziqish va ijodkorlikka jalb qilish maqsadida “Buxorolik olimlarning matematika fani rivojiga qo‘shgan hissalari haqida” mavzusida tayyorlangan taqdimotini namoyish etdi. Z.Bozorov esa “Fi soni haqida” mavzusida ma’ruza qildi.Dastur asosida “Kasbim-faxrim” mavzusidagi davra suhbati o‘quvchilarga “Oliy ta’lim muassasalari talabalari o‘rtasida Al-Xorazmiy nomli yosh matematiklarning Xalqaro olimpiadasi” haqida ma’lumot berildi. Bundan tashqari maktab bitiruvchi o‘quvchilari uchun kirish testlari bo‘yicha olib borilayotgan islohotlar haqida axborot berildi. Davra suhbati bahs-munozaralarga boy bo‘ldi. Matematika kafedrasi professor-o‘qituvchilari tomonidan nashr qilingan maktab dasturiga mos ilmiy-uslubiy ishlar, uslubiy qo‘llanmalardan namunalar maktab ma’muriyatiga taqdim qilindi. Bundan tashqari, matematikani ingliz tilida o‘rganishga oid adabiyotlar va iqtidorli o‘quvchilarni fan olimpiadalariga tayyorlashda zarur bo‘ladigan adabiyotlar ham maktab kutubxonasiga topshirildi. T.Rasulov,Fizika-matematika fakulteti dotsenti
