Buxoro davlat universitetida O‘zMTDP Buxoro viloyat Kengashi tomonidan O‘zbekiston Respublikasi Prezidentining Oliy Majlisga yo‘llagan Murojaatnomasi mazmun-mohiyatini targ‘ib etishga qaratilgan “Murojaatnoma – mamlakatimiz taraqqiyotining dasturilamali” mavzusida davra suhbati tashkil etildi.Unda O‘zbekiston «Milliy tiklanish» demokratik partiyasi Markaziy Kengashi va Oliy Majlis Qonunchilik palatasidagi O‘zMTDP fraksiyasi a’zolari, partiya viloyat Kengashi devoni xodimlari, barcha darajadagi partiya tashkilotlari rahbarlari, xalq deputatlari viloyat, shahar va tuman Kengashlaridagi O‘zMTDP deputatlik guruhi a’zolari, boshlang‘ich partiya tashkilotlari etakchilari, partiya faollari Buxoro Davlat universiteti professor-o‘qituvchilari, partiyaning BuxDU huzurida tashkil etilgan “ Ko‘mak” huquqiy targ‘ibot guruhi a’zolari hamda ommaviy axborot vositalari vakillari ishtirok etdilar.Tadbirni partiya viloyat Kengash raisi v.b Madamin Aslonov kirish so‘zi bilan ochib, so‘nggi yillarda mamlakatimizda yaxshi an’anaga aylangan, Prezidentimizning milliy parlament a’zolari huzurida eng asosiy va dolzarb siyosiy, ijtimoiy-iqtisodiy masalalar va jamiyatni demokratik rivojlantirish bo‘yicha Murojaatnoma bilan chiqish amaliyoti qo‘llanilayotganligi va Murojaatnomalarda belgilab berilgan ustuvor vazifalar haqida qisqacha to‘xtalib o‘tdi.O‘zMTDP fraksiyasi a’zosi Nazir Sobirov tadbir ishtirokchilariga Murojaatnomada e’tibor qaratilgan muhim jihatlar va ustuvor vazifalar xususida batafsil ma’lumot berdi. Xususan, Vazirlar Mahkamasiga 2030-yilga qadar mamlakatimiz aholisining urbanizatsiya darajasini 60 foizga etkazish bo‘yicha Davlat dasturini ishlab chiqish yuzasidan bergan topshirig‘i xususida fikr-mulohazalarini bildirdi. Bundan tashqari 2019-2025 yillarda Turizmni rivojlantirish milliy konsepsiyasini ishlab chiqish hamda turizm eksportidan keladigan yillik daromadni 2 milliard dollarga etkazish bo‘yicha bergan ko‘rsatmalari mamlakatimizning ijtimoiy-iqtisodiy rivojlanishida nechog‘li muhim ahamiyat kasb etishini misollar orqali asoslab berdi.Yurtimiz aholisning ijtimoiy himoyasini yanada kuchaytirish maqsadida 2019 yilning 1 martidan boshlab bolalikdan nogironligi bo‘lgan farzandi bor onalarga, ular pensiya yoshiga to‘lgandan so‘ng, agar pensiya tayinlash uchun zarur stajga ega bo‘lmasa, ijtimoiy nafaqa to‘lash tartibining belgilanganligi Prezidentimiz olib borayotgan adolatli va xalqchil siyosatning amaldagi yorqin na’munasi ekanligini ta’kidlab o‘tdi.O‘zMTDP viloyat Kengashi partiya tashkilotlarida targ‘ibot tadbirlari davom etmoqda.BuxDU matbuot kotibiMannon Otaboy