Elektron nashrlarning ko‘paygani yaxshi, lekin asosi yo‘q, ko‘chadagi gaplarni ham xabar sifatida saytga joylashtirib, aholiga taqdim etish kasb etikasiga to‘g‘ri kelmaydi. Bunday yolg‘on, haqiqatdan yiroq gaplarni minglab odamlar o‘qishini hisobga olsak, mish-mish muallifini vijdoni qiynalishiga yetarli yuk bor. Kuni-kecha shunday asossiz xabarlardan biri “Подслушено в Бухаре” telegramm guruhida chop etildi. Agar bu mish-mish haqiqat bo‘lsa, o‘sha talaba BuxDU rektoriga, ma’muriyatga murojaat qilsa bo‘lmaydimi? Holbuki, universitet rahbariyati majburiy obunaga yo‘l qo‘ygani yo‘q. Holbuki, madaniyatli odam, fidoyi yoshlar har kunlik yangiliklardan boxabar bo‘lishi, mamlakatda, qolaversa viloyatda Prezidentimiz rahnamoligida amalga oshirilayotgan islohotlar jarayonida qaynab, o‘z ma’naviyatini yuksaltirib borishi kerak emasmi? Zero, bosma nashrlar ana shunday ezgu maqsadlarga xizmat qiladi.Tafakkur shu’lasidan bahramand bo‘lish o‘rniga uning ustiga qora bulut bo‘lishdan manfaatdor bo‘lgan yoshlar borligidan afsuslanadi, kishi.BuxDU matbuot kotibi,Mannon Otaboy
