Talabgorlar diqqatiga!
Pedagog-kadrlari lavozimlariga tanlov uchun hujjatlarni qabul qilish 7-sentabrdan 13-sentabrgacha qadar davom etadi.
Chuqur kasbiy bilimlarga va ilmiy yutuqlarga, ijodiy, ilmiy salohiyatga, yuksak intellektual qobiliyatlar va axloqiy fazilatlarga ega bo‘lgan mutaxassislar tayyorlash bilan shug‘ullanishga munosib bo‘lgan eng malakali pedagog kadrlarni tanlash uchun raqobat muhitini yaratish va ta’minlash tanlovning maqsadi hisoblanadi.
Hujjatlar qabuli universitetning https://uniwork.buxdu.uz/ elektron tizimi orqali amalga oshiriladi.
https://uniwork.buxdu.uz/ Ariza beruvchilar ro‘yxatdan o‘tish uchun quyidagi hujjatlarni elektron tizimga biriktirishi talab etiladi:
1. Oliy ma’lumot to‘g‘risidagi diplom (bakalavr va magistr diplomi), xorijiy oliy ta’lim muassasalarida o‘qigan nomzod bo‘lsa, diplomi tan olish va nostrifikatsiyadan o‘tganligini tasdiqlovchi guvohnoma, ilmiy daraja va ilmiy unvon olganlik to‘g‘risidagi diplom (mavjud bo‘lsa);
2. Rezyume (ma’lumotnoma-obyektivka)
3. Xorijiy til bilish sertifikati (mavjud bo‘lsa qabul jarayonida ustuvorlik beriladi)
Qo‘shimcha imtiyozlar:
- Xorijiy oliy ta’lim muassasalarida o‘qigan nomzod O’zbekiston Respublikasi Prezidentining 2021-yil 13-iyuldagi “Yoshlarni har tomonlama qo‘llab-quvvatlash va ularning ijtimoiy faolligini yanada oshirishga oid qo‘shimcha chora-tadbirlar to‘g‘risida”gi PF-6260-sonli Farmoniga muvofiq yosh mutaxassislarga davlat budjeti mablag‘lari hisobidan qo‘shimcha haq to‘lanadi;
- Universitetda joriy qilingan KPI tizimi asosida 100 % gacha qo‘shimcha haq to‘lanadi;
- C1 darajadagi milliy yoki unga tenglashtirilgan mos darajadagi xalqaro tan olingan sertifikatga ega xorijiy tillar o‘qituvchilariga ularning bazaviy tarif stavkasiga nisbatan har oylik 50 foiz miqdorida davlat budjeti mablag‘lari hisobidan qo‘shimcha ustama haq to‘lanadi.
- Nomzod bo‘sh (vakant) lavozimlarga tanlov o‘tkazish haqidagi e’londa ko‘rsatilgan lavozimlarning faqat bittasini tanlashi va tanlangan lavozim bo‘yicha tanlovda ishtirok etish mumkin. Nomzod bir vaqtning o‘zida boshqa e’londa ko‘rsatilgan lavozim bo‘yicha tanlovda ishtirok etish uchun hujjat topshirishi mumkin.
- Tanlov o‘tkaziladigan kun, vaqt va joy haqida tanlov bo‘ladigan kundan kamida ikki kun oldin nomzodga Tizim orqali shaxsiy kabinetiga elektron xabarnoma yuboriladi.
- Nomzod ishga kirish uchun hujjatlari o‘z vaqtida to‘liq Tizimga biriktirilmaganda yoki bila turib soxta hujjatlar yoxud yolg‘on ma’lumotlar taqdim etilgan taqdirda nomzodning arizasi rad etiladi.
Buxoro davlat universiteti kafedralar kesimida 07.09.2022 holatida kafedra vakant hissalari
| Кафедра номи | Вакант штат | |
| Иқтисодиёт ва туризм факультети | ||
| Иқтисодиёт | 5 | рус тилида дарс берувчи керак |
| Агробизнес ва логистика | 2 | |
| Бухгалтерия ҳисоби ва статистика | 13 | |
| Маркетинг ва менежмент | 2,5 | рус тилида дарс берувчи мутахассис керак |
| Туризм ва меҳмонхона хўжалиги | 2 | |
| Тарих ва юридик факультети | ||
| Ислом тарихи ва манбашунослиги, фалсафа | 0.5 | |
| Агрономия ва биотехнология факультети | ||
| Агрономия ва тупроқшунослик | 1 | |
| Биотехнология ва озиқ-овқат хавфсизлиги | 1 | агроном |
| Зоология ва умумий биология | 1 | |
| Ахборот технологиялари факультети | ||
| Ахборот тизимлари ва рақамли технологиялар | 1 | |
| Амалий математика ва дастурлаш технологиялари | 2 | |
| Хорижий тиллар | ||
| Инглиз тилшунослиги | 1 | |
| Таржимашунослик ва лингводидактика | 8 | (инглиз-4, немис-2, француз-2) |
| Немис филологияси | 2 | |
| Спорт факультети | ||
| Спорт фаолияти | 2 | |
| Спорт назарияси ва методикаси | 2 | |
| Педагогик таълим факультети | ||
| Мактабгача таълим методикаси | 2,5 | |
| Бошланғич талим методикаси | 2 | |
| Санъатшунослик факультети | ||
| Мусиқа ижрочилиги ва маданият | 8 | анъанавий хонандалик ва чолғу ижрочилиги бўйича мутахасис керак |
| Филология факультети | ||
| Ўзбек тилшунослиги ва журналистика | 2 | |
| Рус тилшунослиги | 3 | |
| Жами | 63 | |
