Fizika-matematika fakulteti Fizika kafedrasida “Biz korrupsiyaga qarshimiz” mavzusida ma’rifat soati o’tkazildi. Ma’rifat soati Fizika kafedrasi mudiri Sh.Sh.Fayziyev kirish so’zi bilan ochib berildi. Ma’rifat soatida kafedra mudiri Sh.Sh.Fayziyev tomonidan quyidagi fikrlar aytildi: Adolat bor joyda jamiyat yuksalishi tan olingan haqiqat. Zotan, adolat asosiga qurilgan davlatning poydevori mustahkam bo’ladi. Bu bizga tarixdan ma’lum, buyuk saltanat hisoblanmish Temuriylar davri tarixdan ma’lum. Biroq jamiyatdagi nohaqliklar, adolatsizliklar, aytish joiz bo’lsa “turli o’yinlar” taraqqiyotining har qanday bosqichidagi davlatni ortga tortadi. Rivojlanishiga to’siq bo’ladi.
Kafedra o’qituvchisi L.I.Ochilov tomonidan mavzuga oid fikrlar bildirib o’tildi: Korrupsiya jamiyat hayoti uchun tahdid soluvchi salbiy omil ekanini bilamiz. Shu sababli, davlatimiz tomonidan korrupsiyaga qarshi kurashish va uning oldini olishga jiddiy choralar koʻrilmoqda. Har qanday ko'rinishdagi korrupsiyaning sodir etilishida, ularning ko'payishida va o'z vaqtida barham berilmasligiga o'zimizning befarqligimiz, loqaydligimiz sabab bo'lib kelmoqda. Har bir fuqaro korrupsiya jinoyatlariga guvoh bo'lganida bunday holat haqida huquqni muhofaza qiluvchi organlarga qo'rqmasdan xabar berishi lozim. Korrupsiyaga oid huquqbuzarliklar to'g'risida axborot berayotgan shaxslarning davlat himoyasida bo'lishi kafolatlangan hamda bu to'g'risida axborot berayotgan shaxslarni ta'qib etish qonunga muvofiq javobgarlikka sabab bo'lishi belgilangan.
