Korrupsiya botqogʻiga botgan amaldorlar jamiyat taraqqiyotiga gʻov boʻlib, umri xalqqa xiyonat qilish, yosh avlod ongini zaharlash bilan oʻtishini endi keng jamoatchilik yaxshi tushunadi. Bu illatga qarshi kurash – toza vijdonli, oriyatli ziyolilarning qalb amriga aylanmogʻi lozim.Joriy yilning 18-oktabr kuni Buxoro davlat universiteti filologiya fakulteti tyutorlari D.N.Raxmonova va K.N.Shodmonovalar hamkorligida ŏtkazilgan “Korrupsiya taraqqiyot kushandasi!” mavzudagi davra suhbati tinglovchilarni yanada teran fikrlashga undadi.Tadbirda 1-kurs talabalari qatnashishdi. Aytish joizki, korrupsiyaga qarshi kurash borasida huquqiy madaniyatni yuksaltirish, poraxoʻrlik, tamagirlik kabi huquqbuzarliklarni aniqlash va ularga minbʼad chek qoʻyish, bunday jinoyatlarga qarshi jazo muqarrarligini har bir shaxs bilishi zarur. Korrupsiya balosining naqadar mudhish illat ekanini tushungan, uni ongli ravishda idrok etgan odam bu jinoyatga qoʻl urmaydi. Darhaqiqat, har qanday vaziyatda ham halol odam hayotda gʻolib boʻlib, baxtli-saodatli yashaydi. Bugun butun jamiyatimiz ana shunday pokiza hayotga intilmoqda.Tadbirda talabalar bu mavzuda oʻzlarini qiziqtirgan savollariga atroflicha javoblar oldilar.
